Rýhanııat • 09 Aqpan, 2020

Adamzattyń alybyna arnalǵan aıtys

331 retkórsetildi

Nur-Sultan qalasynda Abaı Qunanbaıulynyń 175 jyldyǵyna arnalǵan alǵashqy alaman aıtys márege jetti. Nur Otan partııasynyń qoldaýymen, Mádenıet jáne sport mınıstrliginiń jáne Nur-Sultan qalasy ákimdiginiń uıymdastyrýymen «Adamzattyń alyby – hakim Abaı» degen atpen ótken jyr jekpe-jeginde elimizge tanymal 16 aqyn baq synady. 

Aıtystyń shymyldyǵyn ashqan Halyqaralyq jyrshy-termeshiler jáne aıtys aqyndary odaǵynyń tóraǵasy Júrsin Erman birqatar jańa erejelerdi atap ótti. Atap aıtqanda, bul jolǵy jyr dodasynda aqyndardyń juby aldyn ala anyqtalmaǵan. Olardy kórermen sol sátte jerebe sýyrý arqyly juptastyryp otyrdy. Sondyqtan da aıtyskerlerdiń tapqyrlyǵy men sýyryp salmalyǵy burynǵydan birneshe ese synǵa túskeni anyq. Buǵan qosa qazylar alqasy qatysýshylardyń ónerin dástúrli baldyq júıemen emes, kók tústi túımeshikti basý arqyly baǵalap, ár juptyń birin ǵana kelesi kezeńge ótkizip otyrdy.

Jınalǵan jurttyń tańdaýymen, eń aldymen, aqtóbelik Marat Ahmetov pen shyǵysqazaqstandyq Ásem Erejeqyzy uly oıshyldyń rýhanı murasyn jyrǵa qossa, elordalyq Erkebulan Qaınazarov pen aqtóbelik Ershat Qaıboldın sóz saıysyn jalǵastyrdy. Úshinshi jup bolyp sahnaǵa shyqqan almatylyq Bolatbek Orazbaev pen Qyzylordanyń shaıyry Meıirbek Sultanhan óleńsúıer qaýymnyń delebesin odan saıyn qozdyrsa, birin biri qaljyńmen qaǵytqan atyraýlyq Shalqarbaı Izbasarov pen Shym qaladan kelgen Nurlan Esenqulov kórermendi kúlkige qaryq qyldy.

a

Qyz ben jigit aıtysyn jasaǵan «Egemen Qazaqstan» gazetiniń tilshisi, aqyn Raýan Qaıdarov pen Syr elinen kelgen Nurzat Qarý da ádebıettiń alybyn jyrlaryna arqaý etti. Aıtystyń altynshy juby qaraǵandylyq Aıtbaı Jumaǵulov pen qyzylordalyq Muhtar Nııazov ta aıanyp qalǵan joq. Eki dúrkin Altyn dombyranyń ıesi atanǵan Muhtar Nııazov avarııaǵa túskenine qaramastan Abaıdyń toıyna aman-esen jetkenine shúkirshilik ete otyryp, ózi jyrlaǵandaı «arystan jal aqyndardyń» aıbatyn kórsetti. Jetinshi jerebede juptasqan pavlodarlyq Aspanbek Shuǵataev pen qaraǵandylyq Tilegen Ádilov Abaı ǵaqlııalaryn jańa ǵasyrmen ushtastyra jyrlasa, Shyǵystyń qos aqyny Rústem Qaıyrtaı men Serik Qýanǵanuly aıtystyń alǵashqy aınalymyn qorytyndylady.

Qazylar alqasynyń sheshimimen ekinshi aınalymǵa ótken 8 aqynnyń ishinen alǵashqy aınalymda úzdik óner kórsetken tórteýi tańdalyp alynyp, birden fınalda óner kórsetti. Naqtyraq aıtqanda, sheshýshi kezeńde Muhtar Nııazov pen Serik Qýanǵanuly aıtyssa, Erkebulan Qaınazarov pen Meıirbek Sultanhan tartysqa toly jyr saıysyn ótkizdi.

a

Sóıtip, jyr jekpe-jeginde jer apshysyn qýyrǵan kil júırikterdiń ónerin kórermen jurt 8 saǵat boıy tyrp etpesten tamsana tamashalady. Bári de ádebıet alyby Abaıdyń jaýhar jyryn termelep, tereń tolǵamdaryna boılaı bildi, uly oıshyldyń ulaǵatty oıyn búgingi qoǵammen baılanystyryp, eldik múdde men bekem birliktiń baıandy bolýyn tiledi.

Qazylar alqasynyń tóraǵasy, aqyn Nesipbek Aıtuly aıtystyń joǵary deńgeıde ótkenin aıtyp, aıtyskerlerge alǵysyn jetkizdi.

«Uly Abaıdyń rýhyna arnalǵan bul aıtys búkil halyqtyń júreginen shyqty. Abaıdyń qasıeti, qadiri, onyń álemdegi, ádebıettegi, tarıhtaǵy orny aqyndarynyń aýzynan jaqsy aıtyldy. Aıtystyń alǵa qoıǵan negizgi maqsaty oryndaldy. Aqyndar qashanda eldiń, eldiktiń, memlekettiń múddesin aıtyp otyrýy kerek. Halyqtyń keýdesindegi qyjyldy jetkizýi tıis. Búgin aqyndar tarazynyń eki basyn ustap, úlken sabyrmen, aqylmen, keremet órnekti tilmenen tamasha jetkizdi» dedi ol.

l

Qazylar alqasynyń sheshimimen bas júldeni (3 mln teńge) tap bermede tartymdy óner kórsetken Muhtar Nııazov jeńip aldy. Birinshi oryndy (2 mln teńge) Meıirbek Sultanhan ıelense, ekinshi oryndy (1 mln teńge) Erkebulan Qaınazarov pen Serik Qýanǵanuly enshiledi. Úshinshi oryn (500 myń teńge) Raýan Qaıdarov, Tilegen Ádilov jáne Ásem Erejeqyzyna buıyrdy. Aıtystyń arnaıy júldesin (300 myń teńge) Nurlan Esenqulov alsa, E.Qaıboldın, Sh.Izbasarov, M.Ahmetov, N.Qarý, B.Orazbaev, A.Jumaǵulov, A.Shuǵataev, R.Qaıyrtaı qatarly 8 aqynǵa shabyttandyrý syılyǵy berildi. Sondaı-aq dúbirli báıgege alǵash ret qatyssa da, eshkimnen qaımyqpaı sóz saptaǵan Nurzat Qarýǵa «Ádemi-aı» kompanııasynyń arnaıy syılyǵy tabystaldy.

a

Aıtysty júrgizgen aqyn Júrsin Erman bul doda adamzattyń alyby – hakim Abaıǵa arnalǵan bıylǵy alǵashqy aıtys ekenin atap ótti. Aıtysqa arnalǵan baspasóz máslıhatynda da osyny aıtqan Nur Otan partııasy Saıası jumys departamentiniń dırektory Erlan Qarabalaev: «2020 jyly elimizde ártúrli deńgeıdegi 80-ge jýyq aqyndar aıtysy ótedi dep josparlanýda. Onyń úsheýi halyqaralyq, 21-i respýblıkalyq deńgeıde bolmaq. Sondaı-aq 21-i Abaıdyń 175 jyldyq mereıtoıyna, úsheýi ál-Farabıdiń 1150 jyldyǵyna, al beseýi Uly Jeńistiń 75 jyldyǵyna arnalady» degen bolatyn.  

a

 Sýretterdi túsirgen Erlan OMAR, «Egemen Qazaqstan»

 

Sońǵy jańalyqtar

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

Áskerı jıynǵa kimder barmaıdy?

Qazaqstan • Búgin, 11:36

El ishindegi ilkimdi is

Aımaqtar • Búgin, 10:55

Uqsas jańalyqtar