Qazaqstan • 09 Aqpan, 2020

Berdibek Saparbaev Qordaı aýdanynda qaza tapqandardyń otbasylaryna bardy

614 retkórsetildi

Quramyna ortalyq memlekettik organdardyń basshylary, Parlament depýtattary, QHA ókilderi kirgen Úkimet komıssııasynyń basshysy Sortóbe jáne Masanchı aýyldarynda boldy, qaza tapqandardyń otbasylaryna  baryp kóńil aıtty, dep habarlaıdy primeminister.kz saıty.

«Prezıdent Q.K. Toqaev pen Úkimettiń atynan shyn qaıǵyryp kóńil aıtamyz. Biz sizderdi bul qıyndyqta qaldyrmaımyz, sizderdiń qaýipsizdikterińizdi qamtamasyz etemiz. Sizderdiń otbasylaryńyzǵa kómektesemiz, memleket sizderdi qoldaıtyn bolady», - dedi B. Saparbaev.

Qaza tapqandardyń týǵan-týystary men jergilikti turǵyndar bılikten kinálilerdi taýyp, jazaǵa tartýdy surady. 

«Bul qylmyskerlik nıetpen jasaldy. Beıtanys adamdar aýylda júrip, úılerdi órtep, aqsha men altyn talap etip, qarýmen qorqytqan. “Úıleriń órtenip jatyr, shyǵyńdar”, degen. Olardyń arasynda mas adamdar boldy», - dedi aýyl turǵyndary.

Sonymen qatar vıse-premer tártipsizdik kezinde zardap shekken turǵyn úılerdi, áleýmettik jáne kommersııalyq nysandardy aralap kórdi.

«Memleket basshysy otbasylarǵa barlyq qajetti kómekti jáne qoldaýdy kórsetýdi tapsyrdy. Komıssııa quramynda ındýstrııa jáne ınfraqurylymdyq damý birinshi vıse-mınıstri Q. О́skenbaev bardy. Qazir mamandar keltirilgen zardapty baǵalap jatyr, barlyǵy qoldanystaǵy zańnamaǵa sáıkes qalpyna keltiriletin bolady», - dedi B. Saparbaev. 

Sonymen qatar Úkimet komıssııasynyń músheleri jerleý rásimderine qatysty. 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar