Aımaqtar • 10 Aqpan, 2020

Mańǵystaý sotynda bir jylda 21 655 is qaralyp aıaqtalǵan

88 retkórsetildi

Mańǵystaý oblystyq soty azamattyq ister jónindegi sot alqasynyń tóraǵasy Nursapa Prımashev óńir boıynsha esepti merzimde azamattyq jáne ákimshilik isterdiń sany edáýir azaıyp, tatýlastyrý rásimderimen qysqartylǵan isterdiń sany artyp otyrǵanyn aıtty.

Statıstıkalyq málimetterge sáıkes, osy kezeńde barlyǵy 21 655 is qaralyp aıaqtalǵan, byltyr aıaqtalǵan isterdiń sany 36 434 bolatyn, ıaǵnı barlyq aıaqtalǵan isterdiń sany 14 779 danaǵa azaıǵan.

2 191 is tatýlastyrý rásimderin qoldaný arqyly qysqartylǵan. Olardyń ishinde 351 is bitimgershilikke kelý arqyly aıaqtalǵan. Byltyr, ıaǵnı 2018 jyly 1 549 is tatýlastyrý rásimderin qoldaný arqyly aıaqtalǵan, ıaǵnı bul kórsetkish 642 danaǵa ósken. Olardyń ishinde 1 834 is medıasııa tártibimen aıaqtalǵan. Partısıpatıvtik kelisimge kelý arqyly 6 is qaralǵan, byltyr da 6 azamattyq is partısıpatıvtik tártipte qaralǵan bolatyn.

Esepti kezeńde Aqtaý qalasynyń mamandandyrylǵan ákimshilik jáne oblystyń aýdandyq sottaryna barlyǵy 14 696 ákimshilik is túsken, olardyń 14 381-i qaralǵan. Byltyr sottarda 17 243 is qaralǵan bolatyn, ıaǵnı qaralǵan isterdiń sany 2 862 danaǵa azaıǵan.

Sonymen qatar Azamattyq ister jónindegi sot alqasynyń tóraǵasy Nursapa Prımashev jıynǵa qatysýshylarǵa sot aktileriniń sapasyn arttyrý, talapqa sáıkes bolýyn qamtamasyz etýdi qatań tapsyrdy.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar