Onyń ishinde elimizge О́zbekstan Respýblıkasynan 1 321 ret «qol júgi» arqyly tyıym salynǵan ósimdik ónimderin alyp kirý faktisi tirkeldi. Sondaı-aq 675 fıtosanıtarııalyq sertıfıkatsyz, 189 ekinshi tekserýge usynbaý, 114 karantındik obektilerdi anyqtalýy, 96 oramada tańbalaýdyń bolmaýy, 50 karantınge jatqyzylǵan ónimdi jaramsyz fıtosanıtarııalyq sertıfıkatpen ákelý, 21 fıtosanıtarııalyq talaptardy buzý, 11 karantınge jatqyzylǵan ónimdi jol júrý jolyn aýystyrý jáne 1 tyıym salynǵan ónimdi alyp kelý oqıǵasy bar.
Fıtosanıtarııalyq qaýiptiligi joǵary, karantınge jatqyzylǵan ónimdi Qazaqstan shekarasynan ótkizý kezinde anyqtalǵan zań buzýshylyqtar týraly naqty aıtatyn bolsaq. О́zbekstan Respýblıkasynan 1478, RF 734, Qyrǵyz Respýblıkasynan 151, QHR 52 jáne basqa elderden ósimdikter karantıni salasynda 63 zań buzýshylyq anyqtaldy.
Zańdy óreskel buzǵan azamattarǵa 657 ákimshilik, ıaǵnı 38,6 mln teńgege aıyppul salyndy. Kólemi 9,6 myń tonna, 2,8 myń tekshe metr jáne 110 myń dana otyrǵyzý materıaldary bar karantınge jatqyzylǵan 2 101 ónim partııasy keri qaıtaryldy.
AShM tarapynan eksporttaýshy elderge sáıkessizdik týraly 488 notıfıkasııa jiberildi. Onyń 324-i Reseı Federasııasyna, 92-i Qyrǵyz Respýblıkasyna, 56-y О́zbekstan Respýblıkasyna, 10-y QHR jáne 6 notıfıkasııa basqa elderge baǵyttaldy.
