Kómir energetıkalyq jáne ónerkásiptik kásiporyndarǵa tikeleı shart boıynsha kómir razrezderiniń jóneltilý baǵasymen jiberiledi. Kommýnaldyq-turmystyq tutynýshylar jáne halyq úshin kómirdiń negizgi kólemi taýar bırjalary arqyly satylady. Onyń Kommýnaldyq-turmystyq qajettilik jáne halyq úshin kómir baǵasy kómir razreziniń jóneltý baǵasynan (ázirleý jaǵdaıyna baılanysty tonnasyna 3-6 myń teńge), tasymaldaýǵa ketken temir jol tarıfterinen, jyljymaly quramdy kútip-ustaý, kómirdiń bırjalyq qunynan, sondaı-aq halyqqa jetkizetin deldaldyq uıymdardyń jáne jeke tulǵalardyń marjasynan qalyptasady.
Kómir eksporty shamamen 28 mln tonnany nemese 2018 jylmen salystyrǵanda 96% qurady. Kómirdiń eń úlken kólemi Reseı, Qyrǵyzstan, О́zbekstan, Belarýs, Ýkraına jáne Túrkııaǵa jóneltildi.
Qazaqstanda kómir ónerkásibiniń barlyq negizgi segmenti bar, alaıda energetıkalyq kómirdi óndirý men paıdalaný erekshe damyǵan. Kómir ónerkásibi ekonomıkanyń iri salalarynyń biri jáne elektr energııasynyń shamamen 70% óndirisin, koks-hımııa óndirisiniń tolyq tıelýin qamtamasyz etedi, kommýnaldyq-turmystyq sektor men halyqtyń otynǵa degen qajettiligin tolyq qanaǵattandyrady. Qazaqstandaǵy kómir qory 34 mlrd tonnany nemese álemdik qordyń 4% quraıdy. Kómir qory boıynsha Qazaqstan álemdegi on kóshbasshy elderdiń qataryna kiredi.
Kómir ónerkásibin damytý maqsatynda 2019 jyly «Qazaqstan Respýblıkasynyń kómir salasyn damytý jónindegi 2019-2021 jyldarǵa arnalǵan Jol kartasy» bekitildi, sondaı-aq «2019-2020 jyldarǵa arnalǵan kommýnaldyq-turmystyq qajettilikter men halyqqa arnalǵan kómir ónimderine qajettilik jospary» jasaldy.
Kómir hımııasyn damytý, sondaı-aq qosylǵan quny joǵary ónimderdi alý úshin kómirdi tereń keshendi qaıta óńdeý máseleleri basty nazarǵa alyndy. Zamanaýı tehnologııalar kómirden óńdelgen ónimniń 5 myńnan astam túrin óndirýge múmkindik beredi. Olardyń qatarynda ferroqorytpalar, metall kremnıı, qurylys materıaldary, tehnıkalyq kómirtegi, kómirtegi sorbentteri jáne taǵy basqa bar. Bul otandyq bıznes salasyn damytý úshin úlken múmkindikter beredi.
