Qazaqstan • 10 Aqpan, 2020

​​Qazaqstan óz azamattaryn Qytaıdan evakýasııalaýdy jalǵastyrady

23 retkórsetildi

Qazaqstan Respýblıkasynyń Prezıdenti Qasym-Jomart Toqaevtyń qazaqstandyq azamattardy koronavırýsty juqtyrýdan qorǵaý jóninde is-sharalar qabyldaý týraly tapsyrmasyna sáıkes, Úkimet QHR aýmaǵyndaǵy jáne otanyna oralýǵa tilek bildirgen qazaqstandyqtardy evakýasııalaıdy. Bul týraly Syrtqy ister mınıstrliginiń Telegram-kanalynda jarııalandy.

Aǵymdaǵy jyldyń 10 jáne 12 aqpanynda Qytaı bıligimen kelisim boıynsha Beıjińge qazaqstandyq azamattardy ákelý úshin «Air Astana» áýekompanııasynyń eki ushaǵy jiberiledi. Ushý barysynda jolaýshylarmen birge medısınalyq qyzmetkerler bolady. 

Qytaı tarapynyń ótinishi boıynsha osy reıster arqyly Beıjińge Qazaqstandaǵy 47 Qytaı azamatyn, sondaı-aq Qytaı Elshiliginiń kommersııalyq emes júgin jetkizý josparlanýda.

Qazirgi ýaqytta QHR aýmaǵynda 719 azamaty bar, onyń 391 otanyna oralýǵa kómek kórsetý týraly ótinish bildirdi. Qalǵandary - dıplomatııalyq mekemelerdiń qyzmetkerleri men otbasy músheleri, stýdentter jáne basqa da jeke tulǵalar Qytaıda qalýǵa tilek bildirdi.

Qazaqstannyń QHR-daǵy dıplomatııalyq mekemeleri qajet bolǵan jaǵdaıda tıisti kómek kórsetý úshin azamattarmen jumysty jalǵastyrýda jáne turaqty baılanysta.

Atalǵan barlyq sharalar QHR aýmaǵyndaǵy bizdiń azamattarǵa baılanysty barlyq máselelerdi sheshýge syndarly kózqaras tanytatyn Qytaı tarapymen tyǵyz úılestirý negizinde júzege asyrylady.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar