Jazǵy demalys kezinde oblys ortalyǵyndaǵy negizgi kóshelerdiń qıylystaryndaǵy apatty oqıǵalardyń aldyn-alý, jol júrý erejelerin nasıhattaý barysynda Halyqaralyq baǵdarsham kúnine arnalyp mektep oqýshylary «Biz – joldaǵy qaýipsizdik úshin!» atty sharasyn ótkizdi. Sharany «Nur Otan» HDP-nyń jáne «Jas Otan» jastar qanatynyń oblystyq bólimsheleri men ishki ister departamenti ákimshilik polısııa basqarmasy uıymdastyrdy. Kólik júrgizýshileri men jaıaý júrginshilerge jol júrý erejelerine arnalǵan aqparattyq qaǵazdar taratty.
– Búgingi kúnge deıin balalarǵa qatysty 485 jol-kólik oqıǵasy tirkelgen. Endi biraz kúnderden soń jańa oqý jyly da bastalady. Bizdiń bul sharany ótkizýimizdiń ózi jańa oqý jyly aldyndaǵy úlken sabaq dep oılaımyz. Mundaı sharalardy ótkizýdegi maqsat joldaǵy apattyq oqıǵalardyń aldyn-alýǵa baǵyttalyp otyr. Jol erejelerin óreskel buzyp, aýyr zardaptarǵa ákelip soǵyp jatady. «Saqtansań – saqtaıdy» degen. Balalar osyny túsinýleri kerek, deıdi ákimshilik polısııa basqarmasy jol-patrýldik bóliminiń ınspektory Serik Jumanov.
Farıda BYQAI,
«Egemen Qazaqstan».
PAVLODAR.
