Aımaqtar • 10 Aqpan, 2020

Jaıaý júrginshilerdiń kóshe tártibin buzýy jıilep tur

30 retkórsetildi

Qyzyljar kóshelerinde qańtar aıynda ǵana 460 jaıaýdyń jol júrý erejesin buzǵany anyqtaldy. Bul eki júz myńnan sál artyq turǵyny bar shahar úshin úlken kórsetkish. Munyń byltyrǵy jyldyń sáıkes merzimimen salystyrǵanda az ekendigine mise tutyp, jaǵany jaılaýǵa jiberýge bolmaıdy.  Jaıaýlardyń jol júrý tártibin jıi buzýynyń ózi qala mádenıetiniń kemshin ekenin kórsetedi.

Osy tártipti buzýshylar Ákimshilik quqyq buzýshylyq týraly kodeksiniń «Jaıaý júrginshilerdiń jáne ózge de jol júrisine qatysýshylardyń qozǵalys erejesin buzý» baby boıynsha jaýapkershilikke tartylady. Biraq sony jıi aıtyp, júrginshilerdiń qulaǵyna quıa berý jaǵy azdyq etetin sııaqty. «Barlyq derlik buzýshylyqtar – belgilenbegen jerde joldy kesip ótýmen baılanysty», - deıdi SQO PD Jergilikti polısııa qyzmeti basqarmasynyń erekshe tapsyrmalar jónindegi aǵa ınspektory, polısııa kapıtany Azamat Jamuqov.

«Sonymen qatar, keıbir jaıaý júrginshiler kele jatqan kóliktiń bar-joǵyna kóz jetkizý úshin jan-jaǵyna qaraýdy da esterinen shyǵarady, tipti telefon qulaqqaptaryn taǵyp alyp, ózderin avtomobılderdiń dabyldaryn estý múmkindiginen aıyrady. Avtomobıl tómen jyldamdyqpen kele jatqannyń ózinde, ásirese qys kezinde onyń kilt toqtýy múmkin emestigin jaıaý júrginshiler esten shyǵarmaǵany jón. Jaıaý júrginshiler jol júrisi erejelerin buzǵanda 2 aılyq eseptik kórsetkish mólsherindegi aıyppulmen qutylatynyn ǵana oılamaı óziniń jáne jol qozǵalysynyń basqa da qatysýshylarynyń  ómiri men densaýlyǵyna qater týdyratynyn da eskerýi kerek», - deıdi kapıtan.

Jol júrý tártibine sáıkes kórý aımaǵynda ótkel nemese jol qıylysy bolmaǵanda joldyń júrý bóliginiń shetine tik buryshtap, eki jaqtan da jaqsy kórinetin jerden joldy kesip ótýge bolady. Joldyń júrý bóligin eldi mekende bólý jolaǵy bolǵan kezde, sondaı-aq jaıaý júrginshiler nemese jol qorshaýlary ornatylǵan jerlerde jaıaý júrginshi ótkelderinen tys kesip ótýge ruqsat etilmeıdi. Qyzyljaryq jaıaýlar kóbinese bazar mańyndaǵy joldardy kesip ótýde jol tártibin buzatyn kórinedi. Sonyń ishinde «Altyn arman» men «Taıga» bazarlaryna kelýshiler «retteletin ótý joldary tym alys» degen syltaýdy kóp aıtady eken. Alaıda mundaǵy júrginshiler ótkelderiniń ornalasýy memleketaralyq standartpen rettelgen. Olardyń araqashyqtyǵy 200 metrden artyq emes.

О́tken jyly Soltústik Qazaqstanda jaıaý júrginshilerdiń kinásinen jalpy sany 31 JKO oryn alyp, onda 3 adam qaıtys bolyp, 34-i jaraqat alǵan  Osylardyń ishindegi 7 oqıǵada jaıaý júrginshiler masań kúıde bolǵan.

 

Soltústik Qazaqstan oblysy  

Sońǵy jańalyqtar

Elordada jataqhana karantınge jabyldy

Aımaqtar • Búgin, 22:05

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar