Júrek jáne qan tamyrlar aýrýlaryn anyqtaý úshin skrınıngten ótýge usynys berilgenderdiń respýblıka boıynsha basym bóligin, ıaǵnı 188 218 adam Almatyda turady.
Batys Qazaqstan oblysynyń turǵyndary tekserilýge úlken jaýapkershilikpen qarady. Skrınıng ótýge tıisti 64 221 azamat arasynan 42 603 adam tekserýden ótti. Tekserilgenderdiń ishinen 9,95% júrek aýrýlary anyqtaldy.
Júrek aýrýlarymen baılanysty derti bar azamattar kóbine Qaraǵandy oblysynda anyqtaldy – medısınalyq tekserýden ótý kórsetkishi –10,9%. Eń tómen kórsetkishti Soltústik Qazaqstan oblysynyń azamattary kórsetti – 3,03%.
Júrek-qan tamyrlarynyń aýrýlary qazir búkil álemde ólim-jitimge jeteleıtin eń kóp taralǵan sebepterdiń biri. Dúnıejúzilik densaýlyq saqtaý uıymynyń deregi boıynsha, 2016 jyly júrek-qan tamyrlary aýrýlarynyń saldarynan 17,9 mıllıon adam qaza tapty. Bul álemdegi ólim-jitim kórsetkishinen 31% quraıdy.
Júrek-qan tamyrlary keselderiniń kópshiligin, ıaǵnı temeki shegý, durys tamaqtanbaý, semizdik, dene qıymylynyń joqtyǵy jáne shamadan tys ishimdik ishý sııaqty táýekel faktorlaryn azaıtý arqyly aldyn alýǵa bolady. Júrek-qan tamyrlary dertine shyldyqqan nemese bul aýrýlardyń paıda bolý qaýpi joǵary adamdar emdelýden ótýdi jáne aýrýlardy erte satysynda anyqtaýdy, kerek kezinde emdeý jazyp berýdi qajet etedi.
Kardıologııalyq dıagnostıka – bul júrek-qan tamyrlar júıesiniń patologııalaryn jáne olardyń damýyna beıimdiligin anyqtaıtyn medısınalyq sharalar jıyntyǵy. Júrek-qan tamyrlary aýrýlarynyń negizgi belgileri: entigý, fızıkalyq jattyǵýlarǵa shydamaý, qan qysymynyń joǵarylaýy, teriniń isýi, júrek aýrýy, birkelki emes jedel júrek qaǵysy syndy bolyp keledi.
Ýaqytynda jasalǵan dıagnostıka densaýlyqtaǵy kináratty erte asqyndyrmaı anyqtap, tıimdi emdeý josparyn tańdaýǵa kómektesedi.
«Júrek-qan tamyrlary aýrýlarynyń eń qaýipti jaǵy – olar esh belgisiz damıdy. Sondyqtan únemi dıagnostıkadan ótý óte mańyzdy. Ásirese tuqym qýalaıtyn aýrýlar nemese kúmán týǵyzatyn belgiler bolsa densaýlyqty eki ese muqııat kútý qajet», – deıdi Anadolu emhanasynyń kardıologııa jáne kardıohırýrgııa bóliminiń meńgerýshisi, professor Hashım Ýstıýnsoı.
«Dıagnoz ýaqytyly qoıylǵan jaǵdaıda, kardıologııalyq aýrýlar sátti emdeledi: zamanaýı tehnologııalardyń arqasynda bizde tıtteı ǵana kesikpen júrek jáne qan tamyrlarǵa kúrdeli otalardy áserli jasaý múmkindigi bar. Atap aıtsaq, kóptegen otalar Da Vınchı robotyn paıdalaný arqyly jasalady», - deıdi dáriger.
