Qazaqstan • 10 Aqpan, 2020

«О́skemen tıtan-magnıı kombınaty» AQ Úndistannyń tıtan ónimderin óndirýshimen memorandýmǵa qol qoıdy

28 retkórsetildi

5-9 aqpan aralyǵynda Lakhnaý qalasynda (Úndistan) «Úndistan: qorǵanys óndirisiniń damýshy ortalyǵy» 11-shi halyqaralyq kórmesine qatysty. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady. 

Shara barysynda "О́TMK" AQ prezıdenti Ásem Mamýtova men Úndistan Qorǵanys mınıstrliginiń memlekettik kásiporny Mishra Dhatu Nigam Limited (MIDHANI) kompanııasynyń basqarma tóraǵasy doktor Dınesh Kýmar Lıkhı yntymaqtastyq týraly memorandýmǵa qol qoıdy, onyń sheńberinde tıtan bıoımplanttary men medısınalyq quraldar óndirisi salasyndaǵy áriptestik yntymaqtastyq nyǵaıa túspek.

Elimizdiń tarapynan memorandýmǵa qol qoıý sharasyna Indýstrııa jáne ınfraqurylymdyq damý vıse-mınıstri Talǵat Janjúmenov jáne Qazaqstan Respýblıkasynyń Úndistandaǵy Tótenshe jáne О́kiletti elshisi Erlan Álimbaev qatysty.

"О́skemen tıtan-magnıı kombınaty" MIDHANI kompanııasymen 2010 jyldan bastap áriptestik qarym-qatynas ornatqan. Qazirgi ýaqytta otandyq kásiporyn MIDHANI-ge medısınalyq buıymdardy óndirý úshin keýekti tıtandy jáne Eli tıtan qorytpalaryn eksporttaıdy.

MIDHANI atom energetıkasy, aeroǵaryshtyq, hımııalyq jáne munaı-hımııa salalary úshin tıtan ónimderin, sondaı-aq ASTM, BSI, ISO jáne BIS halyqaralyq erekshelikterine sáıkes keletin jáne Úndistannyń dárilik zattardy baqylaý basqarmasy lısenzııalaǵan álemdik deńgeıdegi tıtan bıoımplanttary men protezderin shyǵarady.

"О́TMK" AQ prezıdenti Ásem Mamýtovanyń aıtýynsha, kombınat úshin DefExpo India 2020 kórmesine qatysý-bul avıaǵaryshtyq jáne medısınalyq maqsattaǵy tıtan ónimderin óndirý jáne jetkizý, sondaı-aq quramynda tıtan bar shıkizat óndirý salasyndaǵy Úndistannyń kásiporyndarymen strategııalyq seriktestiktiń negizin bekitý múmkindigi bolyp tabylady.

"О́skemen tıtan-magnıı kombınaty" AQ shıkizat óndirýden bastap qosylǵan quny joǵary ónim shyǵarýǵa deıin baǵyttalǵan tıtan óndirýshisi bolyp tabylady. Kombınattyń taýarlyq óniminiń negizgi túrleri: keýekti tıtan, quımadaǵy alǵashqy magnıı, tıtan quımalary men qorytpalary. "О́TMK"AQ ónimderi álemniń avıaǵaryshtyq salasynyń barlyq óndirýshilerimen sertıfıkattalǵan. Qazirgi ýaqytta zaýyt óniminiń 100%-y AQSh, Ulybrıtanııa, Reseı, Fransııa, Ońtústik Koreıa, Úndistan jáne Qytaı sııaqty ındýstrııalyq damyǵan elderge eksportqa shyǵarylady.

О́tken jyly keýekti tıtan óndirisiniń kólemi 2018 jylmen salystyrǵanda 44% - ǵa artsa, tıtan quımalary men qorytpalary óndirisiniń kólemi 4% - ǵa ósti.

Qazirgi kezde kompanııanyń 2033 jylǵa deıingi damý strategııasy ázirlendi, onyń sheńberinde birqatar ınvestısııalyq jobalar iske asyrylýda. Osy baǵdarlamanyń maqsaty shyǵarylatyn ónimniń nomenklatýrasyn keńeıtý, tıtan óndirisin jańa qaıta bólýdi uıymdastyrý, sondaı-aq tıisti mamandardy daıarlaýmen óndiristik prosesterdi avtomattandyrý jáne robottandyrý bolyp tabylady.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar