Aımaqtar • 10 Aqpan, 2020

«Ertis pen Tobyl arasy» jastardyń shyǵarmashylyǵyn damytady

209 retkórsetildi

S.Toraıǵyrov atyndaǵy Pavlodar oblystyq kitaphanasy L.Tolstoı atyndaǵy Qostanaı oblystyq kitaphanasymen birlesip onlaın rejimdegi jańa jobany qolǵa aldy. «Ertis pen Tobyl arasy» dep atalatyn tyń joba eki aımaq arasyndaǵy ádebı sabaqtastyqty arttyrýǵa, jastardyń shyǵarmashylyǵyn damytýǵa arnaldy.

Qos aımaq arasyndaǵy telekópirge Qazaqstan Jazýshylar odaǵynyń Pavlodar jáne Qostanaı oblystyq fılıaldarynyń dırektorlary, Jazýshylar odaǵynyń músheleri, Pavlodar oblysyndaǵy «О́rken» jas aqyndar klýby men Qostanaı óńirindegi «Aqqaýyrsyn» jas qalamgerler klýbynyń ókilderi qatysty.

Pavlodar qalasy jáne Baıanaýyl aýdanynyń Qurmetti azamaty, halyqaralyq «Alash» ádebı syılyǵynyń ıegeri Arman Qanı sharaǵa qatysyp, jastarǵa aqyl-keńesin aıtty.

- Búgingi sharanyń óńir ádebıetiniń damýyna qosary mol. Jastarymyzdyń qaı taqyrypqa qalam terbeımin dese de erkindigi bar. Keshegi Keńes úkimetiniń salqynyn kórgen bizder bostandyqtyń qadirin jaqsy bilemiz. О́ńirlerdegi ádebı baılanysty nyǵaıtý úshin osyndaı jańa jobalar kerek, - dedi Arman Qanı.

Qazaqstan Jazýshylar odaǵynyń Pavlodar oblystyq fılıalynyń dırektory Jarqynbek Amantaıuly Ertis-Baıan óńirinde aldaǵy ýaqytta atqarylatyn jumys josparymen tanystyrdy. 

Sondaı-aq Pavlodar óńirinde qurylǵan «JEBE» qoǵamdyq birlestiginiń qurmetti tóraǵasy, oblystyq «Halyq radıosynyń» bas redaktory Jumabek Smanov, kórnekti aqyn Qýanyshbek Sharmanov, «О́rken» jas aqyndar klýbynyń jetekshisi, aqyn, aýdarmashy Aıbek Oralhan óz oılaryn ortaǵa salyp, óńirdegi ádebı ahýalǵa toqtalyp ótti.

Qazaqstan Jazýshylar odaǵynyń Qostanaı oblystyq fılıalynyń dırektory Januzaq Aıazbekov, halyqaralyq «Shabyt» festıvaliniń jeńimpazy, aqyn Abylaı Maýdanov Qostanaı óńirindegi jas aqyndardyń aıaq alysyna, ádebıet tóńiregindegi keıbir túıtkildi máselelerdi atap kórsetti.

Jıyn barysynda eki óńirdiń jas aqyndary óleń-jyrdan shashý shashyp, aldyńǵy tolqyn aǵalarǵa suraqtar qoıyp, tájirıbe almasty. Pavlodarlyq aqyndar arasynda Baıanaýyl aýdandyq «Baıantaý» gazetiniń bas redaktory, aqyn Elaman Qabdiláshim, aqtoǵaılyq Nuh Erbolat, Asylbek Mart, Raýshan Amangeldi, Amanjol Bıbala sekildi aqyndar bar.

Bul joba maýsym saıyn uıymdastyrylady. Tyń joba eki aımaqtyń shyǵarmashyl jastaryna serpin beretinine senim mol.

 

Alpysbaı HONJ,

S.Toraıǵyrov atyndaǵy Pavlodar oblystyq kitaphanasynyń qoǵammen baılanys menedjeri

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar