Aımaqtar • 10 Aqpan, 2020

Baqytjan Saǵyntaev Alataý aýdany ákiminiń eseptik kezdesýine qatysty

21 retkórsetildi

Aýdan halqyn alańdatatyn basty máseleler – burynǵysynsha joldyń, kommýnaldyq jelilerdiń joqtyǵy, abattandyrý men aýmaqty jasyldandyrý.

Alataý aýdanynyń ákimi Azamat Qaldybekov turǵyndardy gazben qamtýdyń 96%-dy quraıtynyn aıtty. О́tken jyly «Mádenıet» yqshamaýdany men «Energostroıtel», «Teploenergetık» saıabaqtaryna 6,8 shaqyrym gaz qubyry tartyldy. 1407 úıdi gazdandyrý qajet, olardyń 976-y jeke úıler, 431-i saıajaılar.

Sýmen qamtý jáne káriz jelileri 79 jáne 68 paıyzdy quraıdy. «Aqbulaq», «AZTM», «Alǵabas» yqshamaýdandaryna uzyndyǵy 107 shaqyrym bolatyn jeliler tartylýda.

Aýdan elektr jelisimen tolyq qamtylǵan. Degenmen, 157 shaqyrym jeli men transformatorly qosalqy stansııalar sot arqyly ıesiz dep tanylyp, onyń 143 shaqyrymy «Alataý Jaryq» kompanııasynyń balansyna berildi. Aıta keterligi, aýdan turǵyndary kommýnaldyq qyzmet tólemin jalpyqalalyq tarıf boıynsha tóleı alady.

Eseptik kezdesý barysynda tilekter de aıtyldy. Máselen, ekolog Tımýr Eleýsizov skverlerdi abattandyrý boıynsha kómegin usyndy, sonymen qatar buzaqylar jasyl jelekke zaqym keltiretindikten, vıdeobaqylaý kameralaryn ornatý qajet ekenin atap ótti.

Almaty qalasynyń  ákimi  Baqytjan Saǵyntaev Alataý aýdany turǵyndarynyń suraqtaryna jaýap bere kelip, barlyq problemalyq máselelerdiń júıeli túrde sheshiletinin habarlady. Ol úshin taıaý ýaqytta aýdandar ákimderi óz aýmaqtaryn damytýdyń úsh jyldyq sheberlik-josparlaryn ázirleıtin bolady.

«Mundaı ınfraqurylymdy jaqsartatyn jáne aýdannyń basqa da máselelerin sheshetin «Jol kartalary» sizderdiń belsendi qatysýlaryńyz arqyly ázirlenedi. Qala bıýdjeti sheberlik-josparlaryna sáıkes jasalady ári bólinetin bolady», - dedi B. Saǵyntaev. Ol ákimdiktiń jumysynda turǵyndar pikirleriniń basty nazarǵa alynatynyn atap ótti.

Kezdesý aıaqtalǵan soń aýdan turǵyny Jumaǵazy Esjanovtyń ótinishi boıynsha Almaty ákimi asfalty, syrtqy jaryǵy joq, aryq júıesi buzylǵan Dospanov pen Suhambaev kóshelerine bardy. Mundaǵy aǵashtardy kesý qajet, óıtkeni olardyń butaqtary elektr jelisi men baılanysqa zııan keltirýi múmkin. Baqytjan Saǵyntaev tıisti basqarmalar basshylaryna jumys josparlaryna saı kórsetilgen kemshilikterdi joıýdy tapsyrdy.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar