On eki aıdyń sultany – Ramazan aıynda áleýmettik jaǵdaıy tómen, muqtaj jandarǵa kómek qolyn sozý – ár musylmannyń saýapty isi.
On eki aıdyń sultany – Ramazan aıynda áleýmettik jaǵdaıy tómen, muqtaj jandarǵa kómek qolyn sozý – ár musylmannyń saýapty isi.
Tóńkeris aýylynyń ımamy Bekbolat Hasenuly «Jetim kórseń, jebeı júr», degen ata-babalarymyzdyń ósıetin alǵa tarta otyryp, aýylymyzdaǵy kóp balaly, az qamtylǵan, jetim-jesirler men muqtaj jandarǵa besin namazynan keıin qaıyrymdylyq kómek uıymdastyrdy. Meshitke jınalǵan jıyrma-otyz balaǵa tátti taǵamdar men jemis-jıdekter, sýsyndar berilip, dastarqan jaıyldy. Halyqtyń bergen pitir-nápil, zeket sadaqalarynan jınalǵan qarjy esebinen on tórt balaǵa kıim-keshek áperildi. Aýyl aqsaqaldary men aq jaýlyqty ájelerimiz balalarǵa ózderiniń tilekterin aıtyp, aq batalaryn berdi.
Osydan keıin ımam jınalǵan jamaǵatqa – Ramazan aıy, qasıetti Qadir túni, jat aǵymdar jaıly, Islam dininiń qundylyqtary týraly tárbıelik máni zor ýaǵyz-nasıhat aıtty. Adamgershilik pen azamattyq is-áreketimen aınalasyna qadirli bolatyn, kisilik jáne kishilik nury tula boıynan tógilip turatyn adam ǵana erteńgi bolashaq ómirde eldiń, halyqtyń maqtanyshy bolatynyn jetkizdi.
Saltanat QAÝMURATOVA.
Aqmola oblysy.
