Jedel medısınalyq kómek kórsetý úshin oqıǵa ornyna shuǵyl túrde mamandar toby jáne shuǵyl medısınalyq kómek brıgadalary jiberildi. 100-den astam medısına qyzmetkeri men 36 sanıtarlyq kólik, onyń ishinde 2 sanıtarlyq avıasııa tikushaǵy tartyldy.
10 aqpandaǵy málimetke sáıkes, jappaı janjal saldarynan 178 adam zardap shekti, 10 adam qaza tapty (8 - oqıǵa ornynda, aýyr jaraqat alǵan 2 adam aýrýhanada).
Medısınalyq kómekke 170 adam júgindi. О́tinish bildirgenderdiń: 117-sine ambýlatorlyq kómek – (102 - QR, 15 Qyrǵyz Respýblıkasynda); 53 adamǵa stasıonarlyq kómek - (43 – QR, 10 – Qyrǵyz Respýblıkasynda) kórsetildi.
10.02.2020 jylǵy saǵat 12.00 jaǵdaı boıynsha stasıonarlyq emdelýde 41 naýqas: Almaty qalasynyń stasıonarlarynda – 25; Jambyl oblysynda – 14; Qyrǵyz Respýblıkasynyń stasıonarlarynda – 2. Onyń ishinde: reanımasııada 9 pasıent, beıindi bólimshelerde –túrli jaraqat alǵan 32 pasıent bar. 17 naýqasqa ota jasaldy.
Aıta ketý kerek, búgin, ıaǵnı, 10 aqpanda Qordaıdaǵy aýdandyq ortalyq aýrýhanada 1 pasıentti jáne Qyrǵyz Respýblıkasynan 2 pasıentti Almaty qalasynda tasymaldaýǵa daıyndyq júrgizilýde.
Pasıentterge medısınalyq kómektiń barlyq túri men kólemi TMKKK sheńberinde tegin kórsetiletinin atap ótý qajet.
Qazir naýqastar mamandardyń baqylaýynda jáne qajetti em alýda.
