Sport • 10 Aqpan, 2020

Jansaı Smaǵulov: Parıjdegi týrnırge deıin eki jyl júldesiz qaldym

28 retkórsetildi

О́tken demalys kúnderi Fransııa astanasy Parıjde dzıýdodan Grand Slam týrnıri aıaqtaldy. Álemniń eń úzdik balýandary jınalǵan dodada Qazaqstan komandasy eki medal jeńip aldy. 60 kelidegi Eldos Smetov qola, 73 kelidegi Jansaı Smaǵulov kúmis júldeger atanǵan bolatyn. Biraz ýaqyttan beri jeńis tuǵyryna jete almaı, kóptegen týrnırlerde júldeden qaǵylan Jansaı Smaǵulov Olympic.kz saıtyna suhbat berip, dúbirli dodany qorytyndylady. Bul jaıynda Ulttyq olımpıadalyq komıtettiń baspasóz qyzmeti habarlady.

«Parıjdegi týrnır óte joǵary deńgeıde ótti. Bul básekeden maǵan kúmis júlde buıyrdy. Eki jyldan beri jeńis tuǵyrynan kórine almadym. Iаǵnı, bul meni eki jyl kúttirgen medal. Týrnırde jalpy esebi jetý kezdesý ótkizip, fınalda japondyq Sochı Hashımıtoǵa ese jiberdim. Árıne, barlyq kezdesý de ońaı soqqan joq. Biraq men úshin eń qıyn beldesý jartylaı fınalda tájik balýanymen ótti. Bir qýantatyny – oılaǵan ádis-tásilderimniń bári sátti shyqty. Parıjdegi báseke aldynda Avstrııada birlesken oqý-jattyǵý jıyndaryn ótkizdik. Al jarys aıaqtalǵan soń Fransııada úsh kún jattyǵý ótkizip, Marokkoda ótetin Gran-prı týrnırine daıyndalamyn. Meniń eń úlken maqsatym – Olımpıada oıyndaryna lısenzııa alý. Bizdiń sportta lısenzııa alý úshin reıtıngilik upaılar jınaý qajet. Sol úshin ter tógemin.  Jalpy, osy Grand Slam týrnırine deıin eki jyl boıy medal alǵan joqpyn. Sportshy úshin bul ońaı emes. Talaı jarystan qur qol qaıtyp, jankúıerlerdi de ashýlandyryp aldym. Biraq maǵan senimin joǵaltpaǵan bapkerlerge rahmet. Olar men utylǵan saıyn qatemen jumys isteýdi údete tústi. «Qansha ýaqytyńdy jattyǵýǵa sarp ettiń, endi oń nátıje bolýy tıis» dep jigerlendirdi. Endigi maqsatym – osy babymnan taımaı, jeńisti jolǵy jalǵastyrý», - deıdi Jansaı Smaǵulov. 

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar