Qoǵam • 10 Aqpan, 2020

Londonda qazaqstandyq stýdentter úshin jyl saıynǵy bos jumys oryndar jármeńkesi ótti

35 retkórsetildi

«Job Fair 2020» atty jyl saıynǵy úshinshi bos oryndar jármeńkesi bakalavrıat pen magıstratýranyń sońǵy kýrs stýdentteri úshin London ýnıversıtettik kolledjinde ótti. Is-sharany Qazaqstannyń Ulybrıtanııadaǵy Elshiligi, Ulybrıtanııadaǵy qazaqstandyq doktoranttar qaýymdastyǵy, sondaı-aq London ýnıversıtettik kolledjiniń qazaqstandyq qaýymdastyǵy (UCL Kazakh Society) «Astana» Halyqaralyq qarjy ortalyǵynyń qoldaýymen uıymdastyrdy. Bul týraly Syrtqy ister mınıstrliginiń baspasóz qyzmeti habarlady.

Bos oryndar jármeńkesi – Elshilik jyl saıyn uıymdastyratyn is-shara. Onda Ulybrıtanııadaǵy qazaqstandyq stýdentter jetekshi qazaqstandyq jáne halyqaralyq jumys berýshi kompanııalardyń ókilderimen tikeleı qarym-qatynas jasaýǵa múmkindik alady.

Jármeńkege Ulybrıtanııanyń túkpir-túkpirinen Londonǵa kelgen 130-dan astam qazaqstandyq stýdent qatysty. Olardyń kóbisi magıstrlik baǵdarlama boıynsha oqıtyn «Bolashaq» halyqaralyq stıpendııasynyń ıegerleri boldy. Jumys berýshiler retinde bos oryndar jármeńkesine «Samuryq-Qazyna» UÁQ» AQ, «Astana» Halyqaralyq qarjy ortalyǵynyń Úzdiksiz kásibı damý bıýrosy (AHQO Bıýrosy), «BI Group» Holdıngi, sondaı-aq «Shell Kazakhstan» energetıkalyq kompanııasy qatysty.

О́z sózinde Qazaqstannyń Ulybrıtanııadaǵy Elshisi Erlan Ydyrysov memleket jastardy qoldaý men ilgeriletýge erekshe kóńil bóletinin atap ótti. Bul týraly jaqynda qurylǵan Prezıdenttik jastar kadr rezervi, Tuńǵysh Prezıdent – Elbasy Qorynyń «El úmiti» jáne «Qamqorlyq» bastamalary jáne basqa da baǵdarlamalar kýálandyrady. E.Ydyrysov sondaı-aq Elshilik qazaqstandyq stýdentter úshin uıymdastyratyn negizgi is-sharalar, onyń ishinde Turaqty damý men ınnovasııalar boıynsha úshinshi Ortalyq Azııa ǵylymı forýmy, zańgerlerge arnalǵan arnaıy bos jumys oryndar jármeńkesi jáne t.b. is-sharalar týraly aıtyp berdi.

«Shell Kazakhstan» kompanııasynyń ókilderi – О́ndiristi jetildirý jónindegi menedjer Metıý Molıne jáne Úkimetpen jáne jurtshylyqpen baılanys jónindegi keńesshi Ásel Ibraeva – «Shell Graduate Programme» atty jas mamandarǵa arnalǵan baǵdarlamanyń egjeı-tegjeıi týraly áńgimeledi.

AHQO Bıýrosy Bas dırektorynyń orynbasary Ásel Káribaı AHQO qurylymy jáne osy uıymnyń ekojúıesindegi Bıýronyń róli, stýdentter úshin oqý jáne taǵylymdamadan ótý júıesi týraly aqparat berdi.

«Samuryq-Qazyna» UÁQ» AQ ókilderi Qordyń qyzmeti, jumysqa qabyldaý talaptary men kezeńderi, «Samruk Qyzmets bos jumys oryndar onlaın-platformasy, sondaı-aq «Jas О́rken» jas mamandardy damytý baǵdarlamasy týraly aıtyp berdi.

«BI Group» Holdıngi Dırektorynyń orynbasary Bahtııar Pirmahanov Qazaqstannyń iri qurylys holdıngteriniń birindegi jumys ınsaıttarymen bólisip, trenıngter júıesi týraly aıtyp, qyzmetkerlerdiń taǵylymgerden aksıonerge deıingi ósýdiń kórneki mysaldaryn keltirdi.

Resmı prezentasııalardan keıin is-sharaǵa qatysýshylar jumys berýshi kompanııalardyń ókilderimen jeke tanysyp, suraqtar qoıyp, keıster sheshýge qatysyp, bos jumys oryndarǵa ornalasý úshin aldyn ala áńgimelesýden ótý múmkindigine ıe boldy.

2021 jyly QR Ulybrıtanııadaǵy Elshiligi qazaqstandyq naryqta jumys isteıtin iri brıtandyq kompanııalardyń qatysýymen kezekti bos oryndar jármeńkesin ótkizýdi josparlap otyr. Bul bastama qazaqstandyq ofısterde jergilikti qyzmetkerlerdiń bóligin arttyrý boıynsha mindettemelerin oryndaýǵa baǵyttalǵan.

Sońǵy jańalyqtar

Zańger kóp, kúzetshi joq

Qoǵam • Búgin, 17:49

Basylym basshylary - Ýálıhan QALIJAN (1948)

Basylym basshylary • Búgin, 16:57

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

Uqsas jańalyqtar