Aımaqtar • 10 Aqpan, 2020

Mańǵystaýda «Qarapaıym zattar ekonomıkasymen» 71 joba qarastyryldy

42 retkórsetildi

Bul týraly MO qoǵamdyq kommýnıkasııa ortalyǵynda ótken brıfıngte Mańǵystaý oblysynyń kásipkerler palatasynyń dırektory  Qarasaev Nurbek  málimdedi.

Búginde Mańǵystaý oblysynda 54 myńǵa jýyq bıznes sýbektisi bar. Oblystaǵy «Qarapaıym zattar ekonomıkasy» boıynsha jobalar quny- 57 mlrd teńgege jetip, respýblıkada 1-orynǵa shyqqan. «Bastaý bıznes» jobasy boıynsha 1705 jumyssyz adam oqytylsa, «Jas kásipker» arqyly 700 adam bıznes bilim aldy. Olardan 626-sy jeke kásibin ashty. Iske asqan jobalar quny- 826 mln teńgeni quraıdy.

Bıyldan bastap alǵash ret О́ńirlik kásipkerler palatasynyń dırektory bıznes aldynda 2019 jyly atqarylǵan jumystar boıynsha esep berip,  aýdan, qalalardy aralap, kásipkerlermen  kezdesip, tolǵandyrǵan máseleleri jaıynda pikir almasty.

- О́tken jyly Mańǵystaý oblysynyń kásipkerler palatasyna 134 isker arasha surap, aryzdandy. Olardan 76-sy oń sheshimin taýyp, kásipkerlerdiń quqyǵy qorǵaldy. Nátıjesinde 1,8 mlrd teńge bızneske óndirildi. Kúrdeli máseleler negizinen jer qatynastary, satyp alýlar, servıstik qyzmet, memlekettik organǵa shaǵymdaný bolyp keledi, deıdi MO kásipkerler palatasynyń dırektory Nurbek Qarasaev.

Al, «Atameken» mıkroqarjy uıymynyń dırektory - Botagóz Synabaevanyń aıtýynsha, elimizde sıfrlandyrý júıesine qosylý maqsatynda júzege asqan «Atameken services» elektrondy qyzmeti kómegimen 5 myńǵa jýyq shaǵyn jáne orta kásipkerlik nysany tirkelip, 6 myńǵa jýyq iskerge elektrondy qyzmet kórsetilgen.

Mańǵystaýda «Qarapaıym zattar ekonomıkasymen» 71 joba qarastyryldy. Sonyń 38-i naqtylanyp, quny 57 mlrd teńge bolatyn mal ósirý, kókónis egý, qoıma qyzmeti, plastık shyǵarý, medısınalyq qyzmetter baǵytynda kásipter ashyldy. 

MO kásipkerler palatasynyń kúshimen óńirlik skrınıng ótti. Oǵan oblystaǵy úı sharýasynda otyryp, kásippen aınalysqan 95 myńnan astam adam qatysty. Onyń qorytyndysy kásipkerlerdiń áleýmettik salalaryn anyqtaý, eldi mekenderdiń ekonomıkalyq bazasyn anyqtaý, aýdandardyń mamandandyrý kartalaryn qalyptastyrý, jappaı kásipkerlikti damytýǵa arnalǵan bıznes-jobalardy jasaqtaýǵa kómegin tıgizbek deıdi mamandar.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar