AQSh-tyń Boston qalasyndaǵy úlken prısıajnoılar alqasy qazaqstandyq stýdentter Azamat Tájaıaqov pen Dıas Qadyrbaevqa taǵylǵan osy qalada ótken marafon kezindegi teraktini tekserý kezinde quqyq qorǵaýshylarǵa kedergi keltirdi degen aıyptyń durystyǵyn maquldady. Bul týraly ITAR-TASS habarlady.
AFP agenttiginiń málimdeýinshe, endi qazaqstandyqtarǵa 20 jyl túrmede otyrý qaýpi tónip tur. Stýdentter bıylǵy mamyr aıynyń basynda qamaýǵa alynǵan bolatyn. Olar ózderiniń osy lańkestikke qatysty aıǵaqty zattardan qutylmaq bolǵandaryn moıyndapty. Atap aıtqanda, federaldy barlaý bıýrosy stýdentterdiń Djohar Sarnaev marafonǵa feıerverkter men noýtbýk salyp barǵan qapshyqty terezeden laqtyryp jibergenin aıtady. Keıin arnaıy qyzmet qyzmetkerleri ony kúl-qoqys arasynan taýyp alǵan.
Eske salyp ótsek, Tamerlan jáne Djohar Sarnaevtarǵa ústimizdegi jylǵy 15 sáýir kúni Bostondaǵy marafonnyń sońyn ala oryn alǵan jarylysty jasady degen aıyp taǵylyp otyr. Sol oqıǵa saldarynan 3 adam qaza taýyp, 180 adam ártúrli jaraqat aldy. Tamerlan polıseılermen atys kezinde qaza tapty, al Djohar artynsha qolǵa tústi.
Sultan Bozaıǵyr.
