Sharaǵa Parlamenti Senatynyń depýtattary, Parlament Májilisi Tóraǵasynyń orynbasary Vladımır Bojko, QHA Tóraǵasynyń orynbasary Janseıit Túımebaev, Tuńǵysh Prezıdent – Elbasynyń jaqtastary, qoǵam qaıratkerleri, ǵylymı jáne shyǵarmashylyq ıntellıgensııa, ýnıversıtet rektorlary, jastar, QHA músheleri, etnomádenı birlestikterdiń jetekshileri jáne basqalary qatysty.
Senator óz baıandamasynda «Qazaqstan halqy Asssambleıasy bastamasymen qurylǵan «Tuńǵysh Prezıdent jolymen» halyqtyq ekspedısııasy» jobasy táýelsiz Qazaqstannyń qalyptasýy men qurylýynda Elbasynyń sińirgen eńbegin qoǵamdyq sanada nyǵaıtýǵa baǵyttalǵanyn atap ótti. «Prezıdentimizdiń eldiń órkendeýine qosqan úlesin keıingi urpaq sanasynda nyqtaı túsetin úlken sapar bastaldy. Bul is, eń aldymen halqymyz úshin, urpaqtarymyz ben táýelsizdigimiz úshin qajet»,- dedi L. Súleımen.
Shara aıasynda Qazaqstan Respýblıkasynyń Tuńǵysh Prezıdenti – Elbasynyń «Atameken» tarıhı-mádenı ortalyǵyn, «Anaǵa qurmet» murajaıy men Qarasaı aýdanyndaǵy «Batyr babalar» memorıaldyq keshenderin aralaýmen qatar, aýdannyń ozat oqýshylary ádebı-kórkem shyǵarmalardan Elbasy týraly úzindilerdi oqydy.
