Jer úlesin aýksıon arqyly satý toqtatyldy

Buǵan deıin «Jarqyn SK» JShS memlekettik qarjy ıns­tı­týt­tarynyń birinen úles­ker­­­lerdiń jer úlesin kepilge qo­ıyp, 500 mln teńgeden astam soma­ǵa alǵan nesıesin qaı­ta­ra alma­ǵandyqtan 42 myń gek­tar­daı jer úlesin aýksıon arqyly satýǵa qoıǵany týra­ly habar elimizge taraǵan. Bul sol aýdandaǵy bir-birimen kór­shi ornalasqan bes qazaq aýy­ly turǵyndarynyń jer úle­si eken. Bizdiń elimizde jer satyl­maıtyndyǵyn eskersek qar­jy ınstıtýtynyń osyn­sha kó­­lem­degi jer úlesin aýk­sıon­­men sat­paq bolǵandyǵy bes aý­yl­­dyń tur­ǵyndaryn ǵana emes barsha qazaqstandyqty shoshyndyrǵan. Aýyl tur­­­ǵyndary bolsa jınalyp, na­razy­lyqtaryn bildirip aýdan ákimdigine barǵany týraly aqparatty BAQ elge jappaı taratqan.

Jer úlesteriniń ıeleri «Jarqyn SK» JShS-niń qara­ma­­ǵyna óz úlesterin basqarýǵa bergende ony kepilge qoıyp, nesıe alýǵa kelisim bermegen. Aıtýlaryna qaraǵanda, mundaı kelisim jasalmaǵan. Zań bo­ıynsha mundaıda 883 úleskerdiń árqaısysy jeke-jeke ótinish berip, úlesterin kepilge qoıý­ǵa kelisim berýleri kerek eken. Alaıda ondaı kelisim jasal­ma­ǵan. Tek úleskerlerdiń jalpy jınalysynda «kelisim beri­ledi» degen hattama ǵana ja­zyl­ǵan eken. Osy qujattyń negi­zin­de «Jarqyn SK» bul jerdi kepilge qoıýǵa da quqy joq kó­ri­nedi. Sonymen qatar qarjy ınstı­týty da osyndaı kelisimdi kezinde nege talap etpegeni túsi­niksiz. Sondyqtan bári de sol baıaǵy «barmaq basty, kóz qystyǵa» saıatyn sııaqty.

Osyndaı jaǵdaıǵa jol be­ril­­gendikten Aıyrtaý aýda­ny­­­nyń prokýratýrasy jer úle­sin aýksıon arqyly satý prosesin toqtatqan. Sonymen qatar aýyldyqtardyń bergen aryzynyń negizinde basqarýǵa ber­gen jer úlesterin kelisim ja­samaı, kepilge qoıǵany úshin «Jarqyn SK» JShS ús­ti­nen alaıaqtyq baby boıynsha qylmystyq is qozǵaǵan. Ekin­shi­den, Aıyrtaý aýdanynyń pro­kýratýrasy úleskerlerdiń múd­desin qorǵap, jer úlesterin ke­pilge qoıý kelisimsharty men jalpy jınalys hattamasyn sot arqyly buzdyrý úshin beriletin talap-aryzdyń materıaldaryn jınaýda.

Bul – aýyl turǵyndarynyń jer úlesterin jınap, bir­les­ken seriktestik qur­ǵan aýyl shar­ýashylyǵy kásip­oryn­da­ry­nyń talaıynyń basynda júrgen belgili jaıt. Mundaǵy máseleniń oǵashtyǵy tek bes aýyldyń jer úlesterin aýksıonnan satýǵa jasalǵan qadam. Zańymyzda jer satylmaıdy delinse de alǵan nesıesin qaıtarmasa kepilge qoıylǵan jer úlesin satýǵa bolady eken. Demek negizgi zańymyzdyń ózin­de shalaǵaılyq bar sııaq­ty. Bul jerde aıyrtaýlyq úles­ker­ler­­diń jerlerin tek JShS-men eki­jaq­ty jasalmaǵan kelisim ǵana qutqarýy múmkin. Ony endi ádi­let­ti sot qana anyqtaıdy.

Sonymen birge «Jarqyn SK» JShS óziniń 78 qyz­met­ke­ri­ne 33,6 mln teńge eńbekaqy bereshek ekendigi de belgili bolyp otyr. Bul boıynsha Aıyrtaý aýdanynyń IIB eńbekaqyny ke­shiktirgeni úshin Eńbek zań­na­ma­sy buzylǵan degen bappen is qozǵa­ǵan.

Soltústik Qazaqstan oblysy