Álem • 11 Aqpan, 2020

Ǵylym men ınnovasııaǵa – ınvestısııa

24 retkórsetildi

Saýd Arabııasy Ál-Farabı atyndaǵy Qazaq ulttyq ýnıversıtetinen ǵylymı-tehnologııalyq alqap qurý jobasyn júzege asyrýǵa qatysady. Bul jaıynda ýnıversıtet rektory akademık Ǵalym Mutanovtyń Saýd Arabııasy ǵylym jáne ınnovasııa mınıstriniń orynbasary Nasser Muhammed ál-Akılmen kezdesýinde kelisim jasaldy.

Sapar barysynda Saýd Arabııasynyń Ǵylym jáne ınnovasııa mınıstriniń orynbasary jetekshi oqý ordasynyń ǵylymı-bilim berý jáne ınnovasııalyq qyzmetimen tanys­ty. Nasser Muhammed ál-Akıl ýnıversıtet ınfraqurylymynyń aýqymdylyǵy men damýyn erekshe atap ótti. Onyń pikirinshe, ýnı­versıtettiń ǵylymı jobalary men or­ta­l­yqtandyrylǵan zerthanalary, ásirese, joǵary tehnologııalar sala­synda zamanaýı talaptarǵa saı jáne kási­bı biliktilikti art­tyrýǵa barynsha ońtaıly.

Sondaı-aq biregeı tehnoparki pen sýper­kompıýterlik bazasy jasaqtalǵan zamanaýı halyqaralyq ál-Farabı ǵylymı-tehnologııalyq alqabyn qurý jobasy sheteldik qonaqtyń qyzyǵýshylyǵyn týdyrdy. Qurylatyn ortalyq IT-klaster ıadrosy bar ári jańa tehnologııalar men ınnovasııalardy damytý salasynda álem ýnıversıtetteriniń yntymaqtastyǵynyń jańa platformasyna aınalmaq. Mınıstrdiń oryn­basary ony júzege asyrýǵa Saýd Ara­bııa­synyń ýnıversıtetterin, sondaı-aq ǵylymı-tehnologııalyq alqap ınfra­qury­lymyn damytý men zertteý jobalaryn qar­jylandyrý úshin ınvestorlar tartýǵa daıyn ekendikterin málimdedi.

Ekijaqty múddelilikti eskere otyryp, taraptar kollaborasııa baǵyttaryn tyńǵy­lyqty talqylaý úshin QazUÝ jáne Saýdııa Koroldigi ýnıversıtetiniń mamandary men ǵalym­darynan jumys tobyn qurdy. Jaqyn arada ǵaryshtyq tehnologııalar, IT jáne bıotehnologııa, hımııa jáne fızıka, nanotehnologııalar jáne ózge de salalardaǵy jobalardy iske asyrý boıynsha birlesken zertteý ortalyqtaryn qurý jospary belgilendi.

Memleket basshysynyń aıryqsha qol­daýyna ıe bolǵan ál-Farabı ǵylymı-tehno­logııalyq alqabynyń jobasy ǵylymı ázirlemelerdi kommersııalandyrýǵa jáne olardy ekonomıkanyń naqty sektoryna engizýge baǵyttalǵan ulttyq ınnovasııalyq júıeniń biregeı ósý núktesi bolmaq.

 

ALMATY

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar