Aımaqtar • 11 Aqpan, 2020

Jambylda jaǵdaı baqylaýda, máseleler rettelýde

55 retkórsetildi

Jambyl oblysynyń Qordaı aýdanynda oryn alǵan qaqty­ǵys­qa baılanysty Memleket bas­shysy Qasym-Jomart Toqaev óziniń Twitter-degi paraq­shasynda «Memlekettik organ­dar qyzmet­ker­leriniń salǵyrttyǵy saldarynan arandatýshylar qantógis jasady. Olar jazala­nady. Memleket zardap shekkenderge qoldaý kórsetedi. Beıbit­shilik pen kelisim bizdiń basty baı­ly­ǵymyz, ony buzýǵa eshkimniń qu­qyǵy joq», dep jazǵan bolatyn.

 Birqatar sheneýnik jazalandy

Osy oraıda, Prezıdent Qasym-Jomart Toqaev Jambyl oblysynyń ákimi Asqar Myrzahmetovke (A.Myr­zah­metov keshe keshkilik óz ótinishine oraı Prezıdent Jarlyǵymen qyzmetinen bosady) Jambyl oblysy, Qordaı aýdanynda kisi ólimine, turǵyn úılerdiń qırap, azamattardyń dúnıe-múlikteriniń búlinýine ákelip soq­tyrǵan oqıǵaǵa baılanysty Jambyl oblysy ákiminiń áleýmettik máseleler jónindegi orynbasary Sulýshash Qurmanbekovany jáne Qordaı aýdanynyń ákimi Bolatbek Baıtóleni jumystaryna salǵyrt qaraǵany úshin qyzmetinen bosatýdy tapsyrdy. So­nymen qatar Memleket basshysy Qazaqstan Respýblıkasynyń Ishki ister mınıstri Erlan Turǵymbaevqa Jambyl oblystyq polısııa departamentiniń bastyǵy Arman Orazalıevti jáne Qordaı aýdandyq polısııa bóliminiń bastyǵy Azamat Aıqymbekovti qyzme­tinen bosatýdy tapsyrdy.

Qaıtys bolǵandardyń otbasylaryna bardy

Prezıdent Qasym-Jomart Toqaev­tyń tapsyrmasymen qurylǵan Úkimet komıssııasynyń tóraǵasy Berdibek Saparbaev Qordaı aýdanyndaǵy qaqtyǵys kezinde qaıtys bolǵan azamattardyń otbasylaryna bardy. Berdibek Máshbekuly óz sózinde otbasy múshelerine qaýipsizdiktiń qamtamasyz etilgenin, memleket tarapynan tıisti qoldaý kórsetiletinin basa aıtty. Al qaza tapqandardyń týǵan-týystary men jergilikti turǵyndar kinálilerdiń jazaǵa tartylýyn surady.

Úkimettik komıssııa Qordaı aýdanynda bolǵan oqıǵa saldarynan qaza tapqan Darhan Ábdirahymnyń otbasyna da bardy. Premer-Mınıstrdiń orynbasary, Komıssııa tóraǵasy Berdibek Saparbaev pen Jambyl oblysynyń ákimi Asqar Myrzahmetov el basshylyǵynyń atynan mar­qum­nyń týǵan-týystary men jaqyn­daryna kóńil aıtyp, qoldaý bildirdi. «Prezıdent Qasym-Jomart Toqaevtyń atynan biz shyn qaıǵyryp kóńil aıtamyz. Berik bolyńyzdar. Otbasy úshin osy qıyn kúnderde berik bolý kerek. Biz kinálilerdi anyqtaımyz, olar zań boıynsha jazalanady», dedi Berdibek Saparbaev. Sonymen qatar Berdibek Máshbekuly qaza tap­qan azamattyń otbasyna memleket­tik qoldaý kórsetiletinin, barlyq qajetti kómektiń beriletinin jet­kizdi. Bul rette oblys ákimi Asqar Myr­zahmetov te marqumnyń týystaryna qaıǵylaryna ortaq ekendigin jetkizip, kóńil aıtty. Sondaı-aq otbasy úshin qıyn kúnderde berik bolý kerektigin, kináliler anyqtalyp, zań boıynsha jazalanatyndyǵyn má­limdedi. Asqar Isabekuly qaza tapqan azamattyń otbasyna memlekettik qol­daý kórsetiletinin, barlyq qajetti kómektiń beriletinin de atap ótti. Ber­dibek Saparbaev pen Asqar Myrzah­metov qaıtys bolǵandardyń jerleý rá­simine de qatysyp, aýyl turǵyn­darymen kezdesti.

 Sortóbe aýylynda brıfıng ótti

Keshe Qordaı aýdany, Sortóbe aýylynda apta sońynda oryn alǵan qaq­tyǵysqa baılanysty brıfıng ótti. Jıynǵa Qazaqstan Respýblı­kasy Premer-Mınıstriniń orynba­sary, Úkimettik komıssııanyń tór­aǵasy Berdibek Saparbaev pen Jam­­byl oblysynyń ákimi Asqar Myr­zah­­metov qatysyp, buqaralyq aqpa­rat qu­raldarynyń ókilderine qaq­ty­ǵys zardaptaryn joıý boıynsha atqary­lyp jatqan jumystar týraly má­limet berdi. Sonymen qatar búgingi kúnge deıingi belgili bolǵan barlyq málimetti baıandap, olardyń saýaldaryna jaýap berdi.

Berdibek Saparbaev qazirgi tańda Qordaı aýdanynyń Qarakemer, Ma­sanchı, Sortóbe, Qarasý jáne Aýqat­ty aýyldarynyń barlyq kiris-shyǵys­y­na blok-posttar qoıylyp, aýyl kó­shelerinde qoǵamdyq tártipti saqtaý jumystarynyń júrgizilip jatqanyn jetkizdi. Sonymen qatar Berdibek Máshbekuly sońǵy táýlik ishinde Qordaı, Qarasý, Aýqatty jáne Sortóbe shekara baqylap-ótkizý beketterinen 4454 adamnyń elimizdiń aýmaǵyna qaıta oralǵandyǵyn málimdedi.

Al Jambyl oblysynyń ákimi Asqar Myr­zahmetov qaqtyǵys saldary­nan 36 turǵyn úı men 11 kommer­­sııalyq nysan jáne 44 avtokólik­­tiń órtengendigin aıtty. О́z sózinde ákim aldyn ala esepteýler boıynsha kel­­tiril­gen zalal kólemi anyqtalyp jat­qan­dyǵyna da nazar aýdardy. Asqar Myr­zahmetovtiń aıtýynsha, atalǵan barlyq aýylda zardap shekken azamattarmen jumys jasaý maqsatynda arnaıy toptar qurylǵan. Sonymen qatar oblysta mobıldi halyqqa qyzmet kórsetý ortalyǵy uıymdastyrylǵan. Atalǵan qyzmetter arqyly ótken táýliktiń ishinde 22 azamatqa jeke kýálik, 17 azamatqa týý týraly kýálik berilgen. Taǵy bir aıta ke­terligi, búgingi tańda kóshe boıyn­daǵy órtengen avtokólikter men túr­li qoqystardy tazalaý jumystary tolyǵymen aıaqtalyp, oǵan 30 tehnıka men 125 adam jumyldyrylǵan. Qaqtyǵys oryn alǵan kúni Jambyl oblystyq tótenshe jaǵdaılar departamentimen birge 80 adam kúshi men 19 tehnıka uıymdastyrylǵan. Al óńirdegi jaǵdaıdy turaqtandyrý jáne baqylaýǵa alý úshin quqyq qorǵaý organdarynyń 1968 qyzmetkeri, 130-ǵa jýyq áskerı tehnıka tartylǵan. Búgingi tańda aýyldardaǵy barlyq áleýmettik nysan, saýda orny men dári­hana qalypty jumys atqarýda. Jal­py alǵanda, búginde Jambyl oblysynda jaǵdaı turaqty.

Aıta keteıik, ótken aptanyń juma kúni Qordaı aýdanynda jappaı tóbeles oryn alǵan bolatyn. Aýdandaǵy Qarakemer, Masanchı. Bular batyr aýyldarynda bolǵan qaqtyǵys saldarynan 176 adam aýrýhanaǵa júginip, 41 adam aýrýhanaǵa jatqyzylǵan. О́kinishke qaraı, 10 adam qaıtys bolǵan. Zardap shekken azamattarǵa barlyǵy 39 dáriger kómek kórsetip, Memleket basshysy Qasym-Jomart Toqaevtyń tapsyrmasymen qaıtys bolǵandardyń otbasylaryna kóńil aıtý, olarǵa kómek berý máseleleri uıymdastyryldy. 

 Aqsaqaldar keńesin qurýdy usyndy

Qordaı aýdanynda oryn alǵan qaqtyǵystyń kópke sabaq bolǵany belgili. Jumysyna salǵyrt qaraǵan sheneýnikter jazalanyp, qyzmetinen ketti. Al oqıǵa saldarynan qaıtys bolǵan azamattardyń otbasylaryna memleket tarapynan tıisti qoldaýlar kórsetilýde. Búginde jaǵdaı turaqty baqylaýda. Endi mundaı qantógisti boldyrmaý úshin, tártipsizdikke jol bermeý úshin ne isteý kerek? Bul rette Asqar Myr­zahmetov Qordaı aýdanyndaǵy oryn alǵan oqıǵaǵa baılanysty bes aýyl­dyń aqsaqaldary men jergilikti zııa­ly qaýym ókilderiniń basyn birik­ti­retin keńes qurýdy usyndy. Jergi­likti turǵyndar bul usynysty qol­dap, atalǵan keńes kóptegen túıindi máse­le­niń sheshilýine, aldaǵy ýaqyttarda da mundaı jaǵdaıdyń qaıtalanbaýyna septigin tıgizetinin aıtyp, senim bil­dirýde.

Jalpy oqıǵa bolǵaly beri 2000-nan astam turǵynmen kezdesý uıym­dastyrylǵan. Azamattardyń deni bul usynysty qoldap otyr.

Bet qattalyp jatqanda: Keshe keshkisin Prezıdent Q.Toqaevtyń Jar­ly­ǵymen Jambyl oblysynyń ákimi laýazymyna Berdibek Saparbaev taǵaıyndaldy. Asqar Myrzahmetov óz ótinishine oraı Memleket basshysynyń Jarlyǵymen qyzmetinen bosatyldy.

 

Jambyl oblysy

 

Sońǵy jańalyqtar

Qansonarda búrkitshi shyǵady ańǵa...

Aımaqtar • Búgin, 12:38

Negizgi uǵymdar júıelenedi

Saıasat • Búgin, 08:43

Tıimdi dıologqa jol ashady

Saıasat • Búgin, 08:37

Qoǵam múddesin oılaǵan qujat

Saıasat • Búgin, 08:33

Jarysty 8 júldemen aıaqtady

Sport • Búgin, 08:29

Aqpannyń borany ashýly

Aımaqtar • Búgin, 08:26

О́tken ǵasyr órnegi

Tanym • Búgin, 08:25

Úshinshi ret fınalda jeńildi

Tennıs • Búgin, 08:24

Jas ǵalymdardyń aımaqtyq semınary

Qoǵam • Búgin, 08:18

Sóz soıyl №89

Rýhanııat • Búgin, 08:02

Shahar shyraıyn shaǵyn bıznes ashady

Aımaqtar • Búgin, 08:01

10 jyl sýbsıdııalanǵan salanyń jyry

Ekonomıka • Búgin, 07:53

Jemisten chıps jasaıdy

Aımaqtar • Búgin, 07:52

Sózdiń quny men qudireti

Rýhanııat • Búgin, 07:46

Baǵany aýyzdyqtaýdyń amaly

Úkimet • Búgin, 07:44

Telearna jumysynyń esebi tyńdaldy

Qoǵam • Búgin, 07:36

Maqamy máshhúr Mańǵystaý

Aımaqtar • Búgin, 07:26

Saıat atynyń syny men baby

Qoǵam • Búgin, 07:23

Qalamy semser serke edi

Tanym • Búgin, 07:20

Reıtıngtegi ornyn saqtap qaldy

Fýtbol • Búgin, 07:17

О́zi de, sózi de sulý

Rýhanııat • Búgin, 07:15

О́ner aıdynynda sáýlelengen jumaq ólke

Rýhanııat • Búgin, 07:07

Uqsas jańalyqtar