Qoǵam • 11 Aqpan, 2020

Komıssııaǵa senim artamyz

121 retkórsetildi

Qordaıdaǵy oqıǵa bárimizdi alańdatqany ras. Beıbit kúnde munsha adamnyń qaza tabýy qaıǵyly jaǵdaı. Yntymaǵy jarasqan, tatý el edik. Taban astynda mundaı daý týǵanyn túsine almaı dal boldyq. Qaza tapqandardyń otbasyna qaıǵyryp kóńil aıtamyz, jaraqat alǵandardyń tezirek saýyǵyp ketýine tilektespiz.

Biz birlikti, aýyzbirshilikti, yntymaqty, sabyr­lyqty tý etken memleketpiz. Ese qaıtarý, óre túregelý eshkimge abyroı ápermeıdi. Bárimizge sa­byr­­lyq tanytý qajet.

О́kinishke qaraı, bul oqıǵa jastar tárbıesine beıjaı qaraǵanymyzdy kórsetti. Buryn aýylymyz aralas, qoıymyz qoralas mamyrajaı kún keshken edik. Meniń jas kezimde mundaı kıkiljiń bolǵan emes. Merekelerimizdi birge toılap, tatý-tátti kún keshtik. Alaıda qazir jastar áleýmettik jeliden burys nárse oqyp, sonyń jeteginde ketken syńaıly.

Memleket basshysy Qasym-Jomart Toqaevtyń qabyldaǵan sheshimderin tolyqtaı qoldaımyn. Prezıdentimiz der kezinde áreket etip, naqty tapsyrmalar berdi. Osyndaı keleńsizdikke jol bergen laýazymdy tulǵalardy qyzmetinen bosatýyn da quptaımyn. Qordaı oqıǵasynda Qasym-Jomart Toqaev taǵy da bir márte óziniń kánigi saıa­satker, halyqaralyq deńgeıdegi dıplomat ekenin dáleldedi. Memleket basshysynyń jedel sheshim qabyldaýy jaǵdaıdy odan ári ýshyqtyrmaı, ahýaldy turaqtandyrýǵa zor úles qosqany anyq.

Bul oqıǵaǵa kim kináli ekenin dóp basyp aıtý qıyn. Qazirgi tańda Memleket basshysynyń tapsyrmasymen qurylǵan Úkimettik komıssııa osy jaǵdaıǵa baılanysty tekserý júrgizip jatyr. Onda keleńsizdiktiń naqty sebepteri anyqtalyp, kináliler tabylatynyna senimdimin.

Elimizdiń, halqymyzdyń birligi, yntymaǵy bekem bolsyn!

 

Ábýbákir Voınse,

«Dúngenderdiń qazaqstandyq qoǵamy» qoǵamdyq uıymynyń tóraǵasy

 

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar