Bıyl test synaǵyn tapsyrǵandarǵa beriletin memlekettik bilim granttaryn bólý máselesin qaraǵan respýblıkalyq komıssııa óz jumysyn jaqynda qorytyndylap, grant ıelerin anyqtady.
Elimizdiń barlyq óńirindegi jurtshylyq asyǵa kútip otyrǵan bilim berý granttary ıeleriniń tizimi gazetimizdiń 13 tamyz, seısenbi kúngi nómirinde jarııalanady.
Qosymsha derek. Oqyrmandardyń kópten-kóp suraýyna oraı taǵy da qaıtalap aıtamyz: tizim gazettiń seısenbi kúngi nómiriniń qosymsha betterinde jarııalanady. Sonymen bir mezgilde, sol kúni tańerteń ertemen ol gazettiń saıtynan da oryn alady. Sondyqtan qaǵaz-gazet qoldaryńyzǵa tıgenshe, tizimdi saıttaǵy elektrondy varıanty boıynsha kórýlerińizge bolady.
Buǵan taǵy bir qosarymyz, eldi mekenderge poshta arqyly tek qaǵaz júzindegi basylym ǵana jetkiziledi. Basqa eshteńe jiberilmeıdi.
Al tizimniń qazaq tilindegi nusqasy «Egemen Qazaqstanda» ǵana jarııalanady.
Taǵy da oqyrman suraýyna oraı. Bilim grantynyń tizimin «Egemen Qazaqstan» gazetiniń qazir ózderińiz qarap otyrǵan saıty (www.egemen.kz) arqyly ǵana kóre alasyzdar. Al joǵarydaǵy mátindegi «komıssııa óz jumysyn jaqynda qorytyndylap, grant ıelerin anyqtady» degen joldarǵa kelsek, ol - komıssııa jumysyn aıaqtaǵan boıda tizimdi gazetke jarııalaýǵa berýge bolady degen sóz emes. Uzyn-yrǵasygazettiń 30 shaqty betin alatyn birneshe tizimniń basyn biriktirip, bir izge salyp, ony gazettik nusqa boıynsha bettep shyǵý úshin de birneshe kún ýaqyt kerek.
Taǵy. Sonymen, sabyr saqtap, seısenbi kúnniń tańyn kúteıik.
Kesheli beri qatty taǵatsyzdanyp, saıtty qaıta-qaıta qarap júrgen eńbekterińiz janyp, joldaryńyz bolsyn.
Sondyqtan endi «Tizim qashan jarııalanady, qaıdan kóremiz?» degen suraqtardy qoıa bermeýdi ótinemiz. Bulardyń báriniń jaýaptary taıǵa tańba basqandaı anyq jaýaby joǵaryda jazyldy. Sony zer salyp, yqylas qoıyp, muqııat oqysańyzdar, jetip jatyr. Sol sebepti mundaı mazmundaǵy «kommentterińizdiń» birde-biri gazette jarııalanbaıdy jáne olarǵa jaýap berilmeıdi.
Oqyrmandarǵa aıtarymyz
10 tamyz. 19 saǵat 45 mınýt. Sizderdiń taraptaryńyzdan kelip túsip jatqan suraqtarda esep joq. Olardyń bárin saıtqa ornalastyrý múmkin emes. Al kommentterdiń basym bóligi áli de tizimniń qaı kúni shyǵatynyn jáne olardyń qandaı saıttarda jarııalanatynyn bilýge arnalyp jatyr. Biz bul saýaldardyń bárine joǵaryda jaýap berip qoıǵanbyz. Sony muqııat oqyp shyǵyńyzdar. Sondyqtan ony endi qaıtalamaımyz. Osy mazmundas suraqtardy da endi oqyp áýre bolyp jatpaımyz, birden joıyp jiberemiz.
Hat joldaýshylar arasynda redaksııanyń daıyn tizimdi nege jarııalaı salmaıtynyn suraıtyndar da kóp. Buǵan da álginde jaýap bergenbiz. Taǵy qaıtalap aıtamyz: qaǵaz júzinde birneshe bólek bolyp kelgen tizimdi bir arnaǵa túsirip, ony gazet verstkasy (bettelýi) túrinde daıyndaý demde oryndala salatyn ońaı sharýa emes. Jáne ol bir ǵana redaksııa qyzmetkerleriniń qolynda turǵan joq. Joǵaryda bir oqyrmanymyz qaýip etkendeı, tizimde qatelik ketip qalmas úshin ony tıisti oryndardyń jaýapty mamandary birneshe kún boıy qaıtadan jiti oqyp tekserip, qabyldanǵan qujattyń túpnusqasymen túgel salystyryp shyǵady. Sodan keıin ǵana daıyn bolǵan bólikterin verstka jasaýǵa ruqsat etedi. Munyń bári ınemen qudyq qazǵandaı birtindep jasalatyn tirnekti tirlik. Budan burynǵy jyldary da ol keminde 3-4 kún ýaqytty alatyn. Qazir de sondaı yjdaǵatty da tııanaqty jumystar júrýde.
Sosynǵy bir eskertpe. Osy kezde ózderiniń tizimnen habary bar ekenin aıtyp, saıtqa hat joldap jatqandar da kezdesip qalýda. Olardyń bári de belgili bir somaǵa málimet bere alatyndaryn málimdeıdi. Biz ondaı hattardy birden joıyp tastap otyrmyz. Alda -jalda sizderge tikeleı jol taýyp alyp, habarlasyp jatqan bireýler bolsa, senbeńizder. Munyń atyn sharlatandyq, ıaǵnı alaıaqtyq deıdi. Sondaılardan saq bolyńyzdar. Qazir bul tizim komıssııa múshelerinen basqa eshkimge de belgili emes. Al osyndaı qyzmet usynǵan joldaýlar áli de kele beretin bolsa, biz olardyń avtorlaryn tıisti organdar qaraýyna berýge májbúr bolatynymyzdy da eskertemiz.
Taǵy bir top oqyrmandar álsin-álsin: «Balamyz qujat tapsyrǵan ýnıversıtetke habarlassaq, solar túsken-túspegenin aıtyp bere almaı ma?» degen mazmundas ta suraq qoıady. Buǵan beretin jaýabymyz bireý ǵana: aıtyp bere almaıdy! Sebebi, nátıje qazir olarǵa da belgili emes. Al eger muǵalimder tarapynan áldekim pysyqsynyp, óz topshysyn aıta qalsa, ol zań aldynda jaýap beredi. О́ıtkeni, bilim jónindegi granttar tizimi seısenbi, 13 tamyz kúni «Egemen Qazaqstan» gazetiniń betinde jaryq kórip shyqqannan keıin ǵana óziniń zańdy kúshine enedi.
Osyny umytpańyzdar. Sondyqtan jónsiz, orynsyz suraqtardy qaıtalap qoıa berýdiń qajeti joq. Biz sizderdi tolǵandyryp otyrǵan negizgi saýaldardyń bárine jaýap berip bolǵan sııaqtymyz.
Munyń bárin biz sizderge janymyz ashyǵandyqtan, sizderge bolysqannan, sizderdiń ıyqtaryńyzdaǵy aýyr júkti túsirýge nıet etkendikten, aıtyp otyrmyz. Áıtpese, joǵarydaǵy suraqtardyń birde-birine jaýap bermeı, únsiz otyra berýimizge de bolar edi. Negizinde sizdermen bulaısha dıalog qurý bizdiń mindetimizge jatpaıdy.
Sonymen, úlkenderińiz bar, kishilerińiz bar, barlyǵyńyz da sabyr saqtańyzdar. Seısenbiniń tańyn kútińizder. Izdegenderińiz aldaryńyzdan shyqsyn.
Taǵy qosymsha habarlama. 12 tamyz. 21-00 saǵat.
Ardaqty aǵaıyn!
Qurmetti dostar!
Oqyrman qaýym!
Sizder kópten kútken eń bir tolǵanysty da tolqýly sát birtindep jaqyndap keledi.
Osy kezge deıin barlyǵyńyz da sabyr saqtadyńyzdar Áli de sol qalyptaryńyzdan tanbańyzdar.
Endi kúte beretin kóp ýaqyt qalǵan joq. Sál shydasańyzdar, kútken sátterińizge de jetesizder.
Bilim granttarynyń tizimin baspaǵa daıyndaýǵa baılanysty birneshe kúnnen beri júrip jatqan tirnekti jumys óziniń aqyrǵy shegine jaqyndap keledi.
Amandyq bolsa, eshbir tehnıkalyq kedergiler kezdespese, sizder kútken bilim granttary búgin, tamyzdyń 13-ine qaraǵan túni, saǵat 00-05-te «Egemen Qazaqstan» gazetiniń saıtynan oryn alady.
Endeshe, barshańyzdyń joldaryńyz bolsyn, izdegenderińiz aldaryńyzdan shyqsyn!
Al «Egemen Qazaqstan» gazetiniń baspa júzinen shyqqan nusqasy baılanys bólimsheleri arqyly tańerteń taratylady. Gazetti jazdyryp almaǵandaryńyz bolsa, ony baspasóz kıoskilerinen satyp ala alasyzdar.
Taǵy da bárińizge sáttilik tileımiz.
Joldaryńyz bolsyn.
Sálemmen, «Egemen Qazaqstan» gazeti ınternet-redaksııasynyń redaktory
Serik Pirnazar.
PS. Bilim grantynyń tizimi saǵat týra 00-05-te gazettiń saıtynan oryn aldy. Dáliregi, dál sol kezde jurt nazaryna usynyldy. Ony saıttyń bas betinen taba alasyzdar. Bettiń eń joǵary jaǵynda, sol jaq buryshta tur. Ol "Bilim granttarynyń tizimi. Tizimdi myna siltemelerden kóre alasyzdar" degen bastaqyryppen jarııalandy.
Qosh, saý bolyńyzdar!
PSS. 13 tamyz, 09-00 saǵat. Sonymen, gazet te jaryqqa shyqty. Al tizimdi bizdiń gazettik nusqadan kórgilerińiz kelse, saıttyń bas betinde, oń jaqta ornalasqan PDF-qa kirińizder. Sonyń 7-betinen bastap sońyna deıin bilim granttarynyń tizimi jarııalanǵan. Ol "Gazettiń tolyq nusqasy" degen atpen kórsetilgen.
