Kezdesý barysynda Qazaqstan men Dúnıejúzilik banktiń arasyndaǵy birlesken yntymaqtastyqty damytý baǵyttary talqylandy.
«Biz qazir ekonomıkalyq suraqtarǵa erekshe mán berýdemiz. Búgingi tańda Senat el ekonomıkasy damýyn jedeldetý, adamdardyń tabysyn arttyrý jáne memleket bıýdjetiniń tabysty bóligin ulǵaıtý jolynda alańdaýly», - dedi D. Nazarbaeva.
О́z kezeginde Lılııa Býrýnchýk birlesip jumys isteýge daıyn ekendigin aıta kelip, Dúnıejúzilik bank taldaý jáne ákimshilik monıtorıngtik jobalar, bıýdjet tabysynyń kólemin arttyrý jáne qarajatty utymdy qoldaný sharalaryna erekshe nazar aýdaratynyn málim etti.
Sonymen qatar Dúnıejúzilik banktiń aımaqtyq dırektory Qazaqstanda qabyldanǵan salyqtyq reformalardyń nátıjesi men salyqtyq jeńildikterdiń tıimdiligin zertteýdi usyndy. Odan bólek, L. Býrýchýk Dúnıejúzilik banki tarapynan agroónerkásiptik keshen salasy, tranzıt áleýeti jáne jasyl ekonomıkany monıtorıngileý múmkindigi týraly aıtty.
Kezdesý nátıjesinde eki jaq ekonomıkalyq prosesti uzaqmerzimdi baqylaý metodologııasy, qoldanystaǵy statıstıkany taldaý jáne baǵdarlamalardy zertteý boıynsha konsýltasııa almasýdy odan ári jalǵastyrýǵa kelisti.
