Aımaqtar • 11 Aqpan, 2020

Túlkibas aýdanynda 30 joba júzege asyrylǵan

86 retkórsetildi

Túrkistan oblysy, Túlkibas aýdanynda aýyl sharýashylyǵy salasynda aldyńǵy qatarly tehnologııalardy qoldana otyryp, halyqty jumyspen qamtý maqsatynda jalpy somasy 6094,0 mln teńge bolatyn 33 joba iriktelip alynǵan bolatyn.  Búgingi kúnge 30 joba iske asyrylǵan. Onyń ishinde 7 joba óz qarajaty esebinen, 23-i qarjy ınstıtýttary arqyly nesıelendirilgen.

Júzege asyrylǵandardyń arasynda otbasylyq sút fermalaryn, mal bordaqylaý alańdaryn salý, eshki fermalaryn ashý, saýmaly bıe sharýashylyǵyn, kóldik-taýarly balyq sharýashylyǵyn damytý, sút óńdeý nysandary qurý qaralǵan jobalar bar. Sondaı-aq aýdan ákimi Nurbol Turashbekov turǵyndarǵa esep bergen baıandamasynda shaǵyn jáne orta bıznes sýbektileriniń sany arta túskenin atap ótti. Búginde olardyń sany 7 490 bolǵan, onyń ishinde 7 265-i belsendi sýbektiler. Olarda 17 250 adam jumyspen qamtylǵan. Shaǵyn orta bıznes sýbektileriniń shyǵarǵan ónim kólemi 22,1 mlrd teńgeni qurap otyr. Osy shaǵyn jáne orta bıznesti qoldaý maqsatynda aýdanda 807 joba túrli qarjylyq uıymdarmen 1 612,0 mln teńgege, al 10 joba «Qarapaıym zattar ekonomıkasy» memlekettik baǵdarlamasy aıasynda 408,3 mln teńge kóleminde «Agrarlyq nesıe korporasııasy» AQ-y arqyly jeńildetilgen nesıemen qarjylandyrylǵan.

Tabıǵaty kórkem aýdanda týrızm salasy da damýda. О́tken jyldyń qorytyndysymen aýdanǵa 17067 týrıst kelse, onyń 1 215-i shetel azamattary. Aýdanda kórikti jerlerdiń tizimi jasalyp, týrısterge tanystyrý maqsatynda arnaıy marshrýttar qurylǵan. «О́tken jyly aýdan aýmaǵyndaǵy «Batys Eýropa – Batys Qytaı» jol boıynan «Jol boıy qyzmet kórsetý» jobasy iske assa, Qaraǵashty aýylynda etnoaýyldyń qurylysy júrýde. Aýdan aýmaǵyna shyǵys qaqpadan kireberiste jol boıy qyzmet kórsetý ortalyǵy iske qosyldy. Ol ortalyq jolaýshylarǵa jáne týrısterge arnalǵan zamanaýı qonaqúımen, avtoturaq, ashana, kafe jáne janar-jaǵarmaı quıý beketi qyzmetterimen qamtylǵan», - dedi Nurbol Turashbekov. Sondaı-aq aýdanda «Etno Park Resort» jobasy boıynsha qurylys jumystary júrgizilýde. Jobada týrısterdi qabyldaý, gıd aýdarmashy, konferens zal, oblystyq jáne aýdannyń týrıstik marshrýtyna engen nysandarǵa saıahat qyzmetteri qaralǵan. Jańadan 15 adamǵa jumys orny ashylady. Jospar boıynsha kúnine 30, jylyna 1000 týrıstke qyzmet kórsetiledi dep kútilýde. Bul joba bıyl iske asyrylýy tıis.

Aýdan turǵyndary sapaly aýyzsýmen qamtylǵan. Apatty jaǵdaıdaǵy mektepterdiń máselesi túbegeıli sheshilgen. Balabaqshamen qamtý 100% paıyzǵa oryndalyp otyr. Eseptik jıynǵa qatysqan oblys ákiminiń orynbasary Ulan Tájibaev jáne jaryssózge shyqqan aýdandyq ardagerler keńesiniń tóraǵasy Sátbaı Qasymbekov, qoǵamdyq keńes tóraǵasy О́tepbaı Mátkárimov atqarylǵan jumystar jóninde pikirlerin ortaǵa salyp, aýdan ákiminiń jumysyna oń baǵa berdi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar