Qoǵam • 11 Aqpan, 2020

Almatyda Volonterlar úıi ashylady

30 retkórsetildi

Bul týraly Almaty ákimi Baqytjan Saǵyntaev qalanyń Eriktiler uıymdarynyń ókilderimen kezdesýi kezinde aıtty.

20-dan astam volonterlar uıymdarynyń ókilderi qatysqan kezdesýdiń basty maqsaty – Memleket basshysy «Volonter jyly» dep jarııalaǵan bıylǵy jyly atqarylatyn jumystardyń josparyn talqyǵa salý.
Almaty ákimi Baqytjan Saǵyntaev atap ótkendeı, izgi nıetti qalalyqtar ómir súrýdiń barlyq salalarynda belsendi jáne qala qaýymdastyǵynyń ajyramas bóligine aınalǵan.

Kezdesý kezinde aıtylǵan usynystar – meıirimdiliktiń qalalyq sherýin, ekologııalyq júgirýdi uıymdastyrý, qalany jasyldandyrýǵa qatysý, turǵyndarǵa quqyqtyq kómek kórsetý jáne oqýshylardyń zańnamalyq saýattylyǵy boıynsha sabaqtar ótkizý. Az qamtylǵandarǵa, jalǵyz basty qart adamdarǵa jáne erekshe qajettilikti talap etetin balalarǵa kómek kórsetiledi. Sonymen qatar, volonterlar donorlyqty qoldaıdy ári alǵashqy medısınalyq kómek kórsetýdiń negizderin úıretedi.

Qala ákimi B. Saǵyntaev volonterlyq jobalardyń barlyǵynyń qoldaý tabatyndyǵyn aıtty.

«Volonterlyq qozǵalys salıqaly áleýmettik-jaýapty iske aınalýda. Sondyqtan volonterlar toptaryn daıyndaýda biryńǵaı aqparattyq baza qurý mańyzdy. Kúsh-jigerimiz ben resýrstardy biriktire otyryp, biz bul mindetterdiń barlyǵyn sheshemiz. Osy maqsat úshin volonterlar men qoǵamnyń ózara is-qımylynyń tıimdi alańyna aınalatyn Volonterlar úıin ashamyz», — deıdi Baqytjan Saǵyntaev.

Kezdesýde «Qazaqstan volonterlar lıgasy» QQ-nyń tóraıymy Aısulý Ernııazova, «Meıirimdiler klýby» jobasynyń úılestirýshisi Dınara Asanova, «Lider.kz» QQ-nyń úılestirýshisi Dılmıra Blas, «Qýanysh syılaımyz» jobasynyń úılestirýshisi Kıra Ýdarseva jáne basqalar óz usynystarymen bólisti.

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar