Keshe Premer-Mınıstrdiń birinshi orynbasary – О́ńirlik damý mınıstri Baqytjan Saǵyntaevtyń tóraǵalyǵymen О́ńirlik damý mınıstrliginiń keńeıtilgen alqa májilisi bolyp ótti.
Keshe Premer-Mınıstrdiń birinshi orynbasary – О́ńirlik damý mınıstri Baqytjan Saǵyntaevtyń tóraǵalyǵymen О́ńirlik damý mınıstrliginiń keńeıtilgen alqa májilisi bolyp ótti.
Alqamájilisindevedomstvonyńbirinshijartyjyldyqtaǵyjumysqorytyndylary, atapaıtqanda, salalyqbaǵdarlamalardyńiskeasyrylýbarysy, biryńǵaıqalaqurylysy, jerkadastrynázirleýjónindegimáselelerjánetaǵybasqalartalqylandy.
Alqaly jıyndy asha otyryp, B.Saǵyntaev mınıstrliktiń barlyq bastamalary óńirlerdiń básekege qabilettiligin nyǵaıtýǵa, olardyń damýyndaǵy sáıkessizdikti deńgeılestirýge jáne oblystardyń ekonomıkasyn ártaraptandyrýǵa baǵyttalǵanyn atap ótti. Sondaı-aq, mınıstrlik jergilikti ózin-ózi basqarýdy damytý týraly zańnamaǵa ózgerister ázirlegenin, qabyldanǵan zań aýyl ákimderin, ıaǵnı basqarýdyń eń tómengi deńgeıin qarjylyq jáne ınstıtýttyq nyǵaıtýmen baılanysty ekendigin tilge tıek etti.
Qazirgi tańda О́ńirlik damý mınıstrligi qaıtalanýǵa jol bermeıtin, ákimshilendirý men bıýdjetteýge yńǵaıly, óńirler úshin aıqyn jáne túsinikti bolatyn óńirlerdi damytý jónindegi biryńǵaı memlekettik baǵdarlama ázirleýge kiristi. Ol elimizde iske asyrylyp jatqan barlyq salalyq baǵdarlamalardyń, atap aıtqanda, monoqalalardy damytý, «Turǵyn úı-kommýnaldyq sharýashylyǵyn jańǵyrtý», «Qoljetimdi turǵyn úı-2020», «Bıznestiń jol kartasy-2020» jáne basqa da baǵdarlamalardyń birin-biri qaıtalamaı, úılesimdi iske asýyn jáne ákimshilendirilýin jaqsartý qajettigin atady.
О́ńirlik damý mınıstrliginiń atqaryp jatqan jumystary jónindegi baıandamany vıse-mınıstr Qaıyrbek О́skenbaev jalǵastyrdy. Vıse-mınıstrdiń málimetinshe, aǵymdaǵy jyldyń jartyjyldyǵynda shaǵyn jáne orta bıznestiń belsendi sýbektileri sany 3 paıyzǵa artypty. Osylaısha, olardyń sany 784 myń birlikti quraǵan. Sonymen qatar, shaǵyn jáne orta bıznes sektorynda jumyspen qamtylǵandar sany 4,9 paıyzǵa artyp, 2 591 myńnan astam adamdy qurapty. Al ónim shyǵarý 0,9 paıyzǵa artyp, 4,2 mlrd. teńgeni quraǵan. Birinshi vıse-mınıstrdiń málimetinshe, qazirgi ýaqytta barlyq lısenzııalardy berý elektrondy pishinge kóshirilgen, bızneste suranysqa ıe 80-nen astam ruqsatnama úrdisteri avtomattandyrylǵan. Ústimizdegi jyly taǵy da 214 ruqsat avtomattandyrylady dep josparlanýda.
Mınıstrlik aǵymdaǵy jyldyń sońyna deıin «Ruqsattar jáne habarlamalar týraly» Qazaqstan Respýblıkasy zańynyń jobasyn ázirleýdi josparlap otyr. Onda alǵash ret barlyq ruqsat beretin qujattardyń tizbesi qalyptastyrylatyn bolady.
Q.О́skenbaev óńirlerdiń ınfraqurylymy jaǵdaıyna da toqtalyp ótti. Jergilikti ózin-ózi basqarýǵa qarjylaı qoldaý kórsetý retinde 2013 jyly densaýlyq saqtaý, bilim, mádenıet, sport, sýmen jabdyqtaý, gazben jabdyqtaý, kommýnaldyq sharýashylyq obektilerin kúrdeli jáne aǵymdaǵy jóndeý boıynsha 2462 jobany júzege asyrýǵa respýblıkalyq bıýdjetten 6 mlrd. teńge bólingen. Búgingi tańda 2,5 mlrd. teńge ıgerildi, dedi Q.О́skenbaev.
Mınıstrliktiń málimetinshe, budan ózge óńirlerde ınjenerlik ınfraqurylymdy damytý boıynsha birneshe joba júzege asyrylyp jatyr, olarǵa 15,2 mlrd. teńge bólingen, 6,2 mlrd. teńge ıgerilgen. Munymen qosa, vıse-mınıstr jumyspen qamtý baǵdarlamasynyń tórtinshi baǵyty sheńberinde kommýnaldyq, ınjenerlik, kóliktik jáne kommýnaldyq ınfraqurylymǵa jóndeý júrgiziletinin habarlady. Osy maqsattarǵa bıyl 42 mlrd. teńge bólingen, jartyjyldyqtyń qorytyndysy boıynsha 9,2 mlrd. teńge ıgerilgen.
Memleket basshysynyń tapsyrmalary aıasynda aýylsharýashylyq alqaptaryn túgendeý jóninde jumystar júrgizile bastady. Byltyrǵy jyly 30 mln. ga tekserýmen qamtylyp, 365 myń ga jyrtylǵan jerdi quraıtyn aýdany 3 mln. ga, aýyl sharýashylyǵyna arnalǵan 7 myń qoldanylmaǵan jer ýchaskeleri anyqtaldy. Anyqtalǵan jerdiń jáne jer qorynyń bóligi aýylsharýashylyq aınalymyna tartyldy. Osy jyly mınıstrlikpen qosymsha 30 mln. ga jerdi túgendeý jumysynyń ekinshi kezeńi júrgizilýde. Aǵymdaǵy jyldyń sońyna deıin О́ńirlik damý mınıstrligi kózdelgen aýqymdy jumystardy aıaqtaýdy josparlap otyr.
Keńeıtilgen keńeste О́ńirlik damý vıse-mınıstrinen ózge «Atameken odaǵy» ulttyq ekonomıkalyq palatasy» basqarmasynyń tóraǵasy Abylaı Myrzahmetov, Jer resýrstary komıteti tóraǵasy Ba ýyrjan Smaǵulov, «Memsaraptama» RMK bas dırektory Birlik Erejepov, Qazaq qurylys jáne sáýlet ǵylymı-zertteý jáne jobalaý ınstıtýtynyń Astana fılıaly dırektory Turlybek Musabaev jáne Aqtóbe oblysy ákiminiń birinshi orynbasary Nurmuhambet Ábdibekov, Shyǵys Qazaqstan oblysy ákiminiń orynbasary Nurymbet Saqtaǵanovtar sóıledi.
Jıyndy Premer-Mınıstrdiń birinshi orynbasary – О́ńirlik damý mınıstri B.Saǵyntaev qorytyndylady. Onyń aıtýynsha, ústimizdegi jyldyń jartyjyldyǵynda óńirlerde bıýdjettik qarajattardy ıgerý 98,6 paıyzdy quraǵan. Osy máseleni, sondaı-aq óńirlerdegi qarajattardy ıgerýdi qatań baqylaýda ustaý qajet. Máselen, óńirlerde monoqalalardy damytý baǵdarlamasy boıynsha qarajattardyń tıimsiz ıgerilip jatqandyǵy baıqalady. Monoqalalar bıznesin qoldaýda qarajattar men túrli tetikterdiń baryna qaramastan ákimder negizinen ınjenerlik kommýnıkasııalarǵa qarajattardy alýǵa jáne kommýnaldyq máselelerdi sheshýge kóńil aýdarady, dedi B.Saǵyntaev.
«Mınıstrlik qyzmetiniń basynan bastap jeke óńirlik baǵdarlamalardy synap taldaý júrgizdi. Bul óńirlerdi, monoqalalardy damytý, «Bıznestiń jol kartasy», «TKSh-ny jetildirý baǵdarlamasy», «Aq bulaq», «Qoljetimdi turǵyn úı», «Jumyspen qamtýdyń jol kartasy» baǵdarlamalary. Osy baǵdarlamalarda baǵyttardyń, jyldamdyqtyń, maqsatty kórsetkishterdiń qaıtalanǵanyn baıqadyq, olardy úılestirý jáne ákimshilendirýde qıyndyqtar týyndaǵan. Mysaly, osy baǵdarlamalarda ınjenerlik-kommýnıkasııalyq ınfraqurylymdy jóndeýde shyǵyndar bar», dep atap ótken vedomstvo basshysy alda bul máselelerdi sheshýge mınıstrlikte ázirlenip jatqan óńirlerdi damytý jónindegi biryńǵaı memlekettik baǵdarlama septigin tıgizetinine senim artty. Baǵdarlamaǵa baılanysty jumystarǵa muqııat bolyp, tıisti tapsyrmalardy taǵy bir pysyqtaýdy tapsyrdy.
B.Saǵyntaev qurylys salasyna qatysty da biraz máseleni synǵa aldy. Bul rette biryńǵaı qurylys kodeksin jasaý jóninde usynys aıtty. «Bizge qurylys normalaryn aýqymdy túrde ońtaılandyryp, bul máseleni túbegeıli sheshý qajet. Qarama-qaıshylyqtar, shekten tys tekserister joıylýy tıis jáne de qandaı da bir sandyq kórsetkishterge basymdyq berilmeýi kerek», dedi B.Saǵyntaev. Mınıstrlikke bir aıdyń ishinde qurylys normalarynyń ózara árekettestigi boıynsha naqty usynyspen Úkimetke shyǵýdy tapsyrdy. «Bizge biryńǵaı qurylys kodeksin ázirleý týraly oılaný qajet sekildi. Qurylys kodeksi qajet», dedi vedomstvo basshysy.
О́ńirlik damý mınıstrliginiń aldynda mańyzy bar mindetterdiń tolyq kesheni tur, Memleket basshysynyń barlyq tapsyrmalary oryndalýy qajet dep qorytyndylady birinshi vıse-premer – О́ńirlik damý mınıstri B.Saǵyntaev.
Dınara BITIKOVA,
«Egemen Qazaqstan».
