Parlament • 11 Aqpan, 2020

Májiliste sý tasqyny kezeńine daıyndyq máseleleri qaraldy

21 retkórsetildi

Búgin Májilistiń Ekologııa máseleleri jáne tabıǵat paıdalaný komıtetinde avarııalyq-qutqarý qyzmetteriniń jumysyn retteýdiń problemaly máseleleri jáne kóktem mezgilinde oryn alatyn tasqynnyń aldyn-alýǵa arnalǵan taqyryptyq otyrys ótti. Bul týraly Parlament Májilisiniń baspasóz qyzmeti habarlady.

Jıynda «Qazaqstan Respýblıkasynyń keıbir zańnamalyq aktilerine ónerkásiptik qaýipsizdik máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyn qaraý sheńberinde Qazaqstan Respýblıkasynda avarııalyq-qutqarý qyzmetteriniń jumysyn retteýdiń problemaly máseleleri týraly jáne 2020 jyldyń kóktem kezinde tasqyn qaýip-qaterlerdiń aldyn alý jáne joıý boıynsha qyzmetterdiń daıyndyǵy máseleleri qaraldy.

Otyrysta Májilis depýtaty B. Hamenova búgingi tańda zań jobasynyń tanystyrylymy jáne jumys tobynyń 7 otyrysy ótkizilip, zań jobasyn talqylaý barysynda elimizde jumys isteıtin avarııalyq-qutqarý qyzmetteriniń qyzmetin quqyqtyq retteý, olardyń mártebesi máseleleri jáne osy saladaǵy basqa da problemalar depýtattar men jumys toby músheleriniń erekshe qyzyǵýshylyq týǵyzǵanyn atap ótti.

Sonymen qatar B. Hamenova zań jobasynda ónerkásiptik qaýipsizdik salasyndaǵy kásibı avarııalyq-qutqarý qyzmetteri oryndaıtyn jumys túrleri naqtylanǵanyna toqtaldy. Olar – taý-ken qutqarý, gazdan qutqarý, burqaqqa qarsy jumystar.

Depýtattar avarııalyq-qutqarý qyzmetterine qatysty normalardy jaqsartý jáne naqtylaý boıynsha usynystar engizgen. Qazir bul usynystar jumys tobynyń otyrystarynda talqylanýda jáne ýákiletti organ – Indýstrııa jáne ınfraqurylymdyq damý mınıstrligimen birlese otyryp pysyqtalý ústinde.

Búgingi tańda 80 jyldan astam ýaqyt buryn qurylǵan Qazaqstandaǵy eń kóne avarııalyq-qutqarý qyzmetteriniń biri osy mınıstrliktiń Indýstrııalyq damý jáne ónerkásiptik qaýipsizdik komıtetiniń kásibı áskerılendirilgen avarııalyq-qutqarý qyzmeti 2018 jyldyń sońynda «Kásibı áskerılendirilgen avarııalyq-qutqarý qyzmetteriniń respýblıkalyq ortalyq shtaby» jaýapkershiligi shekteýli seriktestigine satylǵan.

Memlekettik menshikti satyp alý júzege asyryldy. Osylaısha, avarııalyq-qutqarý qyzmetteri básekeles ortaǵa berilgen. Osyǵan sáıkes, depýtatar ýákiletti organdarmen joǵaryda atalǵan zań jobasy turǵysynan kásibı avarııalyq-qutqarý qyzmetteriniń jaı-kúıi men problemalyq máselelerin talqylady.

Otyrys barysynda Ishki ister mınıstriniń orynbasary Iý.Ilın depýtattar aldynda azamattyq qorǵaý memlekettik júıesi basqarý organdarynyń, kúshteri men quraldarynyń sý tasqyny kezeńine daıyndyǵyna toqtaldy. Atap aıtqanda, aǵymdaǵy jyly «Qazgıdromet» RMK aldyn ala konsýltatıvtik boljamyna sáıkes, Aqmola, Shyǵys Qazaqstan, Qaraǵandy, Qostanaı, Pavlodar, Soltústik Qazaqstan oblystarynda jáne Nur-Sultan qalasynda sý tasqynyna baılanysty qaýipter bar.

Eldi mekenderdi kóktemgi sý tasqynynan qorǵaý úshin «2017-2020 jyldarǵa arnalǵan sý tasqyny qaýip-qaterleriniń aldyn alý jáne olardy joıý boıynsha sharalar kesheni» Jol kartasy júzege asyrylýda, onda 521 is-sharany oryndaý kózdelgen. Úsh jyl ishinde jol kartasynyń is-sharalaryn iske asyrý 1046 eldi mekenniń 724-i úshin qaýip-qaterdi azaıtýǵa múmkindik berdi.

2017-2019 jyldar aralyǵynda 515 shaqyrym qorǵaý bógetteri men bilikteri salyndy, 508,1 shaqyrym qorǵaý qurylystary jóndeldi, 537,1 shaqyrym sý tasqyny qaýpi bar ózen arnalaryn jaǵalaýdy bekitý, túbin tereńdetý jáne túzetý boıynsha jumystar júrgizildi.

Sý tasqyny jaǵdaıynyń yqtımal asqynýyna den qoıý úshin avarııalyq-qutqarý bólimsheleriniń kúshteri men quraldarynyń toby quryldy. Osyǵan sáıkes, halyqty habardar etý máseleleri de pysyqtalǵan.

Sońǵy jańalyqtar

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

Uqsas jańalyqtar