Taǵaıyndaý • 11 Aqpan, 2020

Eraly Toǵjanov Premer-Mınıstrdiń orynbasary bolyp taǵaıyndaldy

83 retkórsetildi

Memleket basshysynyń О́kimimen Eraly Luqpanuly Toǵjanov Qazaqstan Respýblıkasy Premer-Mınıstriniń orynbasary bolyp taǵaıyndaldy. Bul týraly Aqordanyń baspasóz qyzmeti habarlady.

-Eraly Luqpanuly Toǵjanov Qazaqstan Respýblıkasy Premer-Mınıstriniń orynbasary bolyp taǵaıyndalsyn, - delingen habarlamada.

Toǵjanov Eraly Luqpanuly 1963 jyly 13 mamyrda Batys Qazaqstan oblysynda dúnıege kelgen. Joǵary bilimdi: E.A. Bóketov atyndaǵy Qaraǵandy memlekettik ýnıversıtetinde (1983-1988 jj.), Quqyqtaný. Ǵylym Akademııasynyń Memleket jáne quqyq ınstıtýty (1991-1994jj.), zańger. Keńes odaǵynyń ásker qatarynda qyzmet etti.

1991 jyldan 1998 jylǵa deıin E.A. Bóketov atyndaǵy Qaraǵandy memlekettik ýnıversıtetiniń Memleket jáne quqyq teorııasy men tarıhy kafedrasynda oqytýshy.

1994-1996 jj. Ǵylym Akademııasynyń Memleket jáne quqyq ınstıtýtynda ǵylymı qyzmetker.

1996 jyldan bastap Qazaq gýmanıtarlyq zań ýnıversıtetiniń Memlekettik qyzmet jáne halyqaralyq quqyq fakýltetiniń aǵa oqytýshysy, dekan orynbasary qyzmetin atqardy. 1994 jyldan bastap atalǵan ýnıversıtettiń halyqaralyq quqyq fakýltetiniń dekany boldy.

1999 jyly fılıal dekany, 2001 jyly Astana qalasynyń Qazaq gýmanıtarlyq zań ýnıversıtetiniń Quqyq jáne memlekettik qyzmet ınstıtýtynyń dırektory bolyp taǵaıyndaldy. 2001-2006 jj. Qaraǵandy oblysy ákiminiń orynbasary.

2006-2008 jj. Qazaqstan Respýblıkasy Ádilet mınıstrligi Din ister komıtetiniń tóraǵasy bolyp jumys istedi.

2008 jyldyń qańtarynda Qazaqstan Respýblıkasy Prezıdenti О́kimimen Qazaqstan Respýblıkasy Prezıdent Ákimshiliginiń Qazaqstan halqy Assambleıasy Hatshylyǵynyń meńgerýshisi bolyp taǵaıyndaldy.

2017 jyldyń naýryzynda Mańǵystaý oblysynyń ákimi qyzmetine taǵaıyndaldy.

2019 jyldyń qyrkúıeginde Kásipodaqtar federasııasynyń tóraǵasy boldy. Memlekettik marapattary jáne qurmetti ataqtary bar.

2 deńgeıli «Dostyq» ordeni jáne «Eren eńbegi úshin» medalimen marapattalǵan.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar