Aımaqtar • 11 Aqpan, 2020

Saıram aýdanynda 17625 azamat jer ýchaskesin alýǵa kezekte tur

154 retkórsetildi

Túrkistan oblysyndaǵy Saıram aýdanynda shaǵyn kásipkerlik jaqsy damyǵan. Bul saladaǵybelsendi kásipkerlik sýbektilerdiń sany ótken jyly 15118 bolǵan, ıaǵnı aldyńǵy jylǵa qaraǵanda 129 birlikke kóbeıgen. 66,2 mlrd teńgeónim óndirilip, kásipkerlik sýbektilerinen 3,4 mlrd teńge salyq túsken.

Aýdan halqynyń 38,1%-y, ıaǵnı 81,8 myń adam ekonomıkalyq turǵydan belsendi, onyń 77,6 myńy jumyspen qamtylǵan.  Jumyssyzdar sany 4166 adamdy qurap, jumyssyzdyq deńgeıi 5,1 % bolyp otyr.Aýdanda bıyl jumyssyzdyq deńgeıin 4,9% deıin tómendetý basty mindetterdiń biri bolmaq. «Osy oraıda, ónerkásip salasynda óńdeý ónerkásibin damytý jáne bar rezervterdi paıdalaný esebinen quny 2,9 mlrd teńgege 3 joba iske asyrylyp, 122 jańa jumys oryndary ashylady. Odan bólek, týrızm salasynda «Ontustik thermal resort» JShS-niń «Ońaltý, saýyqtyrý ortalyǵy» jobasy iske asady. Ashylatyn jumys orny 50 adam», -dedi aýdan ákimi Ulasbek Sádibekov turǵyndar aldynda bergen esebinde. Al ótken jyly shaǵyn jáne orta bızneste «Bıznestiń jol kartasy – 2020» baǵdarlamasy aıasynda 450,0 mln teńge kóleminde 10 jobaǵa, «Qarapaıym zattar ekonomıkasy» aıasynda 13 jobaǵa 1,8 mlrd teńgege qoldaý kórsetilgen. О́nerkásip salasynda quny 2,0 mlrd teńgelik 6 ınvestısııalyq joba iske qosylyp, 166 jumys orny ashylǵan. Jumyssyzdyq deńgeıin tómendetý baǵytynda bıyl «Eńbek» baǵdarlamasy aıasynda jumyspen qamtýdyń belsendi sharalaryna 8500 azamatty tartý kózdelýde.

Aýdanda ótken jyly atqarylǵan jumys az emes. О́nerkásip, aýyl sharýashylyǵy jáne basqa da salalarda ilgerileýshilik bar. Degenmen jer máselesi óte ózekti. Qazirgi tańda 17625 azamat jeke turǵyn úı qurylysy úshin bólinetin jer ýchaskesin alýǵa kezekte tur. Olarǵa jer ýchaskesin berý úshin shamamen 3 myń gektarǵa jýyq jerdi aýyl sharýashylyǵy aınalymynan alý qajet. Osynshama jer jeke turǵyn úı qurylysy úshin aýystyrylatyn bolsa, birqatar sharýa qojalyqtary men aýyl turǵyndary kún kórisine jarap otyrǵan eginshiliginen ajyrap qalady. «Aýdan turǵyndarynyń negizgi kásibi aýyl sharýashylyǵy maqsatyndaǵy jerlerde eginshilikpen aınalysý. Sondyqtan jerge qatysty máselelerdi sheshýge baǵyttalǵan  keshendi baǵdarlama daıyndalýda. Aýyl bıleri, sharýa qojalyqtary, óndiristik kooperatıvter ókilderin tarta otyryp, eldi mekenniń ereksheligine, suranysyna  qaraı naqty jaǵdaıy zerdelenip, jerge qatysty túıtkil máselelerdiń tıimdi tetigin tabý joldary qaralady», - dedi Ulasbek Sádibekov.  

Esep berý jıynyna kelgen turǵyndar tarapynan da osy ondaǵan jyldar boıy qordalanyp qalǵan jer máselesi kóp kóterildi. Aýdan turǵyndarynyń basqa da suraqtaryna naqty jaýap qaıtarǵan aýdan ákimi men jıynǵa qatysqan oblys ákiminiń orynbasary Ulan Tájibaev barlyq másele zań sheńberinde qaralyp, sheshimine qatysty jaýaptar aqparat quraldarynda jarııalatynyn málim etti.

 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar