Qazaqstan • 11 Aqpan, 2020

Almatyǵa qonǵan 150-den astam halyqaralyq reıstiń 17 myńdaı jolaýshysy tekserildi

54 retkórsetildi

Búgin Almatyda koronavırýstyń aldyn alý úshin epıdemııaǵa qarsy is-sharalardy pysyqtaýǵa arnalǵan oqytý-jattyǵý sharalary ótti.

Jáne Almaty qalasynyń Halyqaralyq áýejaıynda qala ákiminiń orynbasary Erjan Babaqumarovtyń tóraǵalyǵymen koronavırýsty ınfeksııanyń taralýynyń aldyn alý jónindegi О́ńirlik shtabtyń otyrysy ótti.

Jıynda áýejaıǵa keletin barlyq halyqaralyq reısterdi baqylaýdyń aǵymdaǵy máseleleri talqylandy. Sondaı-aq áýejaıdyń sanıtarlyq jáne shekara qyzmetteriniń koronavırýsty ınfeksııalardyń taralýynyń aldyn alýy boıynsha jumys mehanızmi tekserildi.

Qoǵamdyq densaýlyq basqarmasynyń basshysy Tileýhan Ábildaev qala stasıonarlarynda koronavırýsty ınfeksııanyń taralý qaýpi bar aımaqtardan kelgen JRVI men tumaý belgileri bar 8 emdelýshi bar ekenin habarlady.

«Emdelýshilerdiń jaǵdaıy alańdaýshylyq týǵyzbaıdy. Jaǵdaılary jaqsaryp, qalpyna kelip jatyr. Olardyń altaýy eresek, bir bala ata-anasymen birge balalar juqpaly aýrýlar aýrýhanasynda jatyr», dedi Tileýhan Ábildaev.

Sonymen qatar, ınfeksııalyq baqylaýdyń barlyq talaptaryna sáıkes, rezervtik emhana daıyndaldy. Qalanyń medısınalyq mekemeleri qajetti dári-dármektermen, kelýshilerge de, medısına qyzmetkerlerine de jeke qorǵaný quraldarymen qamtamasyz etildi.

О́z kezeginde, Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaǵasymova Almaty Halyqaralyq áýejaıyna 150-den astam halyqaralyq reıs qonǵanyn, 17 myńǵa jýyq jolaýshynyń tekserilgenin jáne olardyń 200-ge jýyǵy Qytaı azamaty ekenin atap ótti.

Otyrys qorytyndysy boıynsha, О́ńirlik shtabtyń tóraǵasy Erjan Babaqumarov jumys qarqynyn tómendetpeýdi, barlyq halyqaralyq reısterge kúsheıtilgen sanıtarlyq-karantındik baqylaýdy jalǵastyrýdy tapsyrdy.

Sonymen qatar, sanıtarlyq jáne shekara men ekıpaj, medısına qyzmetkerleriniń, onyń ishinde jedel járdem qyzmetiniń ózara is-qımylyn pysyqtaý, vırýstyq ınfeksııalardyń aldyn-alý jáne dıagnostıka boıynsha epıdemııaǵa qarsy sharalaryn saqtaý týraly oqytý ótkizildi.

Aıqyn sımptomy bar adamdardy tasymaldaý úshin jedel járdem iske qosyldy. Olar áýejaı aýmaǵynda táýlik boıy kezekshilikpen jumys isteıdi.

Sondaı-aq, oqý-jattyǵýlar aýmaqtyq emhanalarda da ótti. Almatyda koronavırýsty juqtyrý jaǵdaıy tirkelgen joq. Qalanyń barlyq qyzmetteri bekitilgen algorıtmge saı jumys isteıdi. Megapolıstegi jaǵdaı bıliktiń baqylaýynda.

Sońǵy jańalyqtar

Tasqynǵa – tosqyn

Aımaqtar • Búgin, 13:25

Qazaqstanda koronavırýstan 55 adam aıyqty

Koronavırýs • Búgin, 12:50

Qaıyqshy atanyń hıkaıasy

Rýhanııat • Búgin, 12:39

Jyl basynan beri zeınetaqy eki ret ósti

Ekonomıka • Búgin, 11:30

Qaraquıryqty atqan qoryqshy ustaldy

Aımaqtar • Búgin, 10:54

Toıdyń sońy topyrlaǵan aýrý

Aımaqtar • Búgin, 10:22

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Uqsas jańalyqtar