Aımaqtar • 11 Aqpan, 2020

Qaraǵandy oblysynda Nura ózenine qaldyq sý quıyldy

133 retkórsetildi

Búgin áleýmettik jelide Qaraǵandy oblysyndaǵy Nura ózenine óndiristik las qaldyq sýdyń quıylyp jatqany týraly  beıne kórinis tarady. Máseleniń mán-jaıyn anyqtaý maqsatynda Qaraǵandy oblystyq ekologııa departamentiniń basshysy Qanat Musaparbekovke habarlasqan edik.

Jaýapty maman bizge mynany habarlady:

11 aqpan kúni saǵat 18.00-diń shamasyndaTemirtaýda ornalasqan «Bassel Group LLS» JShS-niń kúl úıindisi bógetin qaraý kezinde qaladan bes shaqyrym jerde Nura ózenine qaldyq sýdyń quıylyp jatqany belgili boldy. Tekserý barysynda qudyqtyń artqy qabyrǵasyndaǵy dánekerlengen jik qar men muzdyń qysymyna shydaı almaı maıysyp, sonyń saldarynan sý aqqany anyqtaldy. Bul tótenshe oqıǵa týraly sol zamatta dabyl qaǵylyp, atalǵan kásiporynnyń jumysshylary kemshiliktiń kózin joıdy.

Sondaı-aq, Qanat Musaparbekov ekologııa departamenti basshysynyń orynbasary, «Nura-Sarysý basseıni» sý ınspeksııasy bastyǵynyń orynbasary, zerthana mamandary, Temirtaý qalasy ákiminiń orynbasary oqıǵa bolǵan jerge baryp, apatty joıý jónindegi jumystardy baqylaǵanyn jetkizdi.

– Erteń tańerteń Temirtaý qalasynyń ákimdigine resmı túrde ótinish túsirilip, sodan keıin ony prokýratýra organdarynda tirkep, jan-jaqty tekserýdi bastaımyz, – dep habarlady Qaraǵandy oblystyq ekologııa departamentiniń basshysy.

 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar