Úkimet • 12 Aqpan, 2020

Únemdegen qarjy dárigerdiń eńbekaqysyn arttyrdy

13 retkórsetildi

Densaýlyq saqtaý mınıstriniń buıryǵymen 2018 jyldan bastap tegin medısınalyq kómektiń kepildi kólemi aıasynda qyzmet etetin barlyq medısınalyq mekeme sıfrly júıege kóshken bolatyn. 121 esepke alý jáne esep berý formasynyń 100-den asa túri sıfrlandyryldy. Nátıjesinde qaǵaz ben ÝDZ plenkalaryna qajettilik joıylyp, sáıkesinshe bıýdjet shyǵyndary qysqardy. Aıtalyq, 2018 jyly – 226 mln teńge, 2019 jyly – 540,1 mln teńge únemdeldi.

Densaýlyq saqtaý salasynda 100 paıyz memeleket tarapy­nan qar­jylandyrylatyn «ambýlato­rııalyq dárimen qamtý» degen túsinik bar. Iаǵnı, memleket elimizdegi emhanalar men aýrýhanalarda medısınalyq qyzmet kórsetý aıasynda dıspanserlik esepte turǵan 3 mln qazaqstandyqty (jyl saıyn 11 mln-ǵa jýyq resept) qajetti dári-dármekpen qamtamasyz etý úshin jyl saıyn shamamen 100 mlrd teńge jumsaıdy. Bul tusta qandaı sharýalar atqaryldy?

Medısınalyq maqsattaǵy buıym­dar men dári-dármekti satyp alý to­lyq­taı elektrondy formatqa aýys­tyryldy, dıspanserlik naýqas­tardy jeke esepke alý men emdeý shemalaryn ıntegrasııalaý tolyǵymen avtomattandyrylǵan rejimge kóshti, óńirlerden qaǵaz ótinimderdi jınaý­dan dárilik zattardy dıspanserlik naýqastardyń naqty qajettiligi bo­ıyn­sha naqty ýaqyt rejiminde avtomatty qalyptastyrýǵa deıin satyp alý prosesin transformasııa­laý, dıspanserlik esepte turǵan naý­qas­tarǵa dárini taǵaıyndaý jáne ony alǵany jaıly SMS habarlama jiberý júzege asyryla bastady.

Atqarylǵan jumys nátıjesinde 2018 jyly jalpy sommasy 116,5 mlrd teńge bıýdjettiń 38 mlrd-y únemdeldi, ıaǵnı 32,6%, al 2019 jyly jalpy somasy 92,6 mlrd teńge bıýdjettiń 22,1 mlrd-y únemdeldi, ıaǵnı 23,9%.

Álbette, bıýdjet qarjysyn únem­deý negizgi maqsat emes. Densaýlyq saqtaý mınıstrliginiń júıeli saıasa­tynyń nátıjesinde 2018 jyly únem­delgen 38 mlrd teńgeni qaıta qar­jylandyrýǵa jumsaý týraly sheshim qabyldandy. Máselen, 14,8 mlrd teńge 2019 jyly 180 myń dáriger men orta sanattaǵy medısınalyq qyzmetkerdiń jalaqysyn 30 paıyzǵa kóbeıtýge baǵyttaldy, 23 mlrd teńge 2019 jyly satyp alynatyn dári-dármektiń sany men túrin 15 paıyzǵa arttyrýǵa baǵyttaldy.

2019 jyly ońtaılandyrylǵan bıýdjet qarjysy (22,1 mlrd teńge) 2020 jyly dárigerler men medısınalyq qyzmetkerlerdiń jalaqysyn qosymsha 30 paıyzǵa kóbeıtýge jáne qymbat dáriler tizimin arttyrýǵa baǵyttaldy.

 

 

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar