Aımaqtar • 12 Aqpan, 2020

Haliń qalaı, aýyldas? Ákimderdi halyqqa jaqyndata túsken joba

610 retkórsetildi

– Anashym, álgi aǵalar bizdiń týys­qanymyz ba?

– Iá, aınalaıyn, aýdan ákimi men qyz­metkerleri ǵoı, biz sekildilerge qol ushyn berip qamqorlyq jasap júr eken.

– Úlken bolǵanda men de balalarǵa, saǵan kómektesemin...

Jetidegi ul men ananyń ara­syn­daǵy áńgi­me eskertýsiz kelgen qaıyrymdy qonaq­tar ketken soń bolǵan edi. Aýdan ákimi úıine kelgende abdyrap qalǵan kóp balaly ana kópke deıin qaıyrymdy jan­dardyń baryna táýbesin aıtyp, kúbir­leýmen boldy. Ákim ataýly úıine kelip, jaǵdaı suraǵan emes edi. Bala baǵýdan bosamaǵan ana da aýdandaǵy ákimniń aldyna barmapty. Áıtpese, balalaryna tıesili járdemaqyny azyq-túlikke áreń jetkizip júrgen anany ábden tozyǵy jetken, shatyry tesilgen kishkene ǵana baspanasynyń jaıy kópten beri mazalap júrgen-di. Endi úı de kóktem shyǵa jón­deletin boldy. Qyzmetkerlerimen aıǵa jeter azyq-túligin arqalaı kelgen aýdan ákimi úıdiń kem-ketigin túzep, jańartyp beretin janashyr tabýǵa ýáde berip ketti.

– Memleket tarapynan da, jergilik­ti ákimdik te az qamta­ma­syz etilgen otbasylarǵa jan-jaqty qol­daý kórsetip keledi. Ot­bas­yndaǵy aza­mat­tardyń jumys­pen qamtylýy, mem­leket­tik baǵdarlamalarǵa qatysýy da nazar­dan tys qalǵan emes. Kórshi-qolań, aǵaıyn-týys reti kelgende qol ushyn sozady, kásipkerler de demeýshilik jasap turady. Alaıda turmysy nashar, qıyndyqqa ushy­raǵan otbasylar áli de bar. Keri­sinshe, kómekti áldekimnen kútip, áreketsiz jatatyndardy da kezdestirdik. Jýyrda aýyl­daǵy kedeılik shegindegi otba­sy dep tanylǵan bir úıge bar­dyq. Irgetasy bıik qalanǵan úı. Jastar bolmasa baspaldaqsyz irge­tas­tan egde adam kóterile al­maı­dy. Úıden shyqqan atpal­daı azamat qolyn sozyp, bizdi tartyp shyǵardy. Tepse temir úzedi deıtindeı-aq jigit. Baspaldaqsyz balalary, áıeli qalaı kirip júr degen oımen úıge kirdik. Bala-shaǵasymen salqyndaý ári jupyny bir bólmeni pana­lap otyr. Ota­ǵa­synyń áńgimesinen uqqa­nymyz, áke-sheshesi kómektesip turady, ózi ju­myssyz. Jalpy oblys ákimi О́mirzaq Shókeevtiń bastamasymen júzege asyrylyp jatqan aýdan-qalalardaǵy kedeı­lik shegindegi otbasylardy anyqtap, qys­qa merzim aralyǵynda aıaǵynan tur­ǵyzýdy kózdeıtin «Qamqorlyq» jobasy aýyldaǵy jaǵdaıdy naqty bilýge de septigin tıgizip otyr, – deıdi Saıram aýdanynyń ákimi Ulasbek Sádibekov.

Aýdan ákimi barlyq aýyl­dar­daǵy qol­­daýǵa muqtaj jan­dar­dyń otbasyn­da bolyp, jaǵdaılaryna qanyǵyp qaıt­qan. Sondaı-aq jýyrda jergilikti ká­sip­­kerlerdiń, Kýveıttegi dú­nıe­­júzilik ıslam qaıyrymdylyq qory basshylarynyń demeýshilik jasaýy­men Saıram aýdany bo­ıyn­sha 110 bala qajetti kıim-keshek zattarymen qamtamasyz etil­di. Túrkistan oblysynyń bar­­lyq aýdan-qalalaryn­da bel­sendi iske asyrylyp jatqan «Qam­­q­or­lyq» jobasy aıasynda qıyn­dyq shegindegi otbasylardy saýyq­tyrý júıeli túrde 4 máse­leni qamtymaq. Iаǵnı, qajetti azyq-tú­likpen qamtý, naýqastary bol­­sa tolyq medısınalyq kómek kór­­setý, aýrý­hanaǵa jatqyzyp em­deý, jumysqa ornalastyrý, ma­­man­dyǵy joq bolsa kásip­tik bilimge oqytý sharalary at­qa­rylýda. Tórtinshiden, túrli demeýshilik kózderi arqyly baspanamen qamtamasyz etý de qaralǵan. Atal­ǵan jobany úılestirý Nur Otan partııasynyń oblystyq fılıalyna júktelgen. Aýdan-qala ákim­deri men eńbek jáne halyqty áleý­mettik qorǵaý basqarmasy jasa­ǵan tizimge ázirge 1535 otbasy, ıaǵnı 7 myńǵa jýyq adam  enip otyr.

«Al jobaǵa jergilikti bıýdjetten 1,6 mlrd teńge kóleminde qarjy qara­lady. Shamamen árbir aýdanǵa 90-100 mln teń­geden bólinedi. Osy keshendi qadam­dar iske asyrylyp, kedeılik shegindegi sha­ńy­raqtar qalypty el qataryna qosylýy kerek. Áıt­pese, qaıyrymdylyqty qaze­kem qaı kezde de jasap keledi. Degen­men naqty, ári júıeli júrme­gen­dikten kóbisiniń ońala al­maı­­tyny anyq. Eger osyndaı tu­­raq­ty qoldaý arqyly jyl sa­­ıyn 1,5 myńdaı otbasyny qýantyp, ahýalyn jaqsarta alsaq qanekeı! Birneshe jylda myńdaǵan jannyń jyldarǵa sozylǵan problema­laryn sheship, berekeli shańyraqtyń qata­ryn eselep arttyrar edik. Ásirese, bul joba áleýmettik jaǵdaıy osaldaý, kóp balaly otbasylar boıynsha respýb­lıka­da 1-orynǵa shyǵatyn Túrkistan óńiri úshin asa mańyzdy bolmaq», deıdi Nur Otan partııasy Túrkistan oblystyq fı­lıa­ly tóraǵasynyń birinshi orynbasary Beı­senbaı Tájibaev.

«Qamqorlyq» jobasy aıasynda bas­panaly bolyp jatqan otbasylar da bar. Mysaly, Tóle bı aýdanyndaǵy jomart jandar oblys ákiminiń bastamasyn qoldap, az qamtylǵan otbasyna demeý­shi­lik tanytty. «Taý samaly» demalys aıma­ǵy­nyń basshylyǵy 7 balaly otbasyna qam­qorlyq kórsetip, óz qarajaty esebi­nen úı salyp berýde. Tozyǵy jetken eski bas­panada turyp jatqan kóp balaly ot­ba­sy aldaǵy jazda jańa qonys toıyn toılaıdy. «Jeti balamen qulaǵaly tur­ǵan kepede turyp jatqan biz úshin bul kútpegen syı boldy. Habardy estigen balalarymnyń qýanyshynda shek joq. Budan asqan baqyt bar ma?! Oblys ákiminiń tapsyrmasymen jańa jobanyń búkil aýdan, aýyldarda júrip jatqanyn estip otyr edik. Baspanaǵa zárý biz sııaqty jandarǵa jasalǵan bul qamqorlyqty eshqashan umytpaımyz», deıdi kóp balaly ana Gúlmıra Áshirova.

Úı salýǵa kómekti Maqta­aral aýdany Iir­jar aýyldyq okrýgi Naýryz aýylyn­­­da turatyn Saparhanovtyń otba­sy da ala­tyn boldy. Otaǵasy Nur-Sul­­tan qala­syn­da jaldamaly jumysta isteı­di eken, al 4 balany asyrap otyrǵan Baǵı­la Ábdi­razaqova jumyssyz. Atalǵan otba­syna kóp balaly analarǵa beriletin járdem­aqydan basqa tabys kirip jatqan joq. Otbasyna tıesili 40 sotyqtan asa jer bar. Degenmen, turyp jatqan úı apatty jaǵdaıda. Kóp balaly ana aýdan ákimi Baqyt Asanovtan úı salýǵa kómektesýdi surady. О́z kezeginde aýdan basshysy otaǵasyna turaqty jumys taýyp beretinin aıtyp, otanasyna otbasylyq kásip kózin ashýǵa keńes berdi. Sondaı-aq Iirjar aýyldyq okrýginiń depýtaty Baýyrjan Ábilov úı salýǵa materıaldyq kómek berýge ýáde etti. Al «Qamqorlyq» jobasy aıasynda Qazyǵurt aýdanynda anyqtalǵan baspanasyz 20 otbasynyń barlyǵy úıli bolady. Bul maqsatta jergilikti bılik demeýshilermen kesissózder júrgizýde.

Jalpy Túrkistan oblysynda 700-den astam otbasy «Qamqorlyq» keshendi baǵdarlamasy boıynsha jan-jaqty kómek aldy.  Osylaısha atalǵan joba talaı jandy qýantýmen qatar jer­gilikti ákimderdi halyqqa ja­qyn­­data tústi. Nur Otan partııa­sy qamqorlyqtyń ýaqytsha aksııa­lyq sıpatta ótpeýin barynsha qa­daǵalamaq.

 

Túrkistan oblysy

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar