Qoǵam • 12 Aqpan, 2020

Jaǵdaı tez arada túzelip, el birligi nyǵaıa túsedi dep senemin

398 retkórsetildi

Qazaqstandaǵy dúngender birlestigi múshelerimen kezdesip keldim. Birlestik atynan aıtarym, Úkimettiń mundaı jaǵ­daıda tez arada shara qoldanǵany qýantty. Arnaıy komıssııa qurylyp, oqıǵa ornyna keldi, azamattarmen kezdes­ti. Qor­daı turǵyndaryn sabyrǵa shaqyryp, jaǵdaıdyń túze­le­tinin aıtty.

Shynymen, Berdibek Sapar­baev bastaǵan bılik ókilderin kórgende halyq senim bildirip, sabasyna tústi. Búginde kósheler qoqystan tazalanyp, mektepter óz jumysyna qaıta kiris­ti. Álbette, jaǵdaı tez arada túzele qoımas. Oǵan qarajat bólinýi kerek, shyǵyndar eseptelip, tıisti jospar daıyndalýy shart. Halyq Berdibek Saparbaevtyń uıymdastyrýshylyq qabiletine súısinip, rıza boldy. Elden ketpek bolǵan azamattarymyz qaıtarylyp jatyr. Kesheniń ózinde tórt myńnan astam adam elge oraldy.

Al oqıǵanyń ózine qaıtyp keler bolsaq, bul jaǵdaı ultyna qaramastan árbir úıdiń úreıin ushyrdy, halyqty túgeldeı ábigerge saldy. Prezıdenttiń laýazymdy tulǵalardy jumys­tan bosatýy basqalaryna oı saldy degen senimdemin. О́ıtkeni bul jergilikti bıliktiń jaýap­kershiligine kiredi. Janjal bas­talǵanda der kezinde tıisti ju­mystaryn atqarsa, mundaı úlken zalal kelip, birneshe adam qaıtys bolmas edi. Bul shyn máninde, jergilikti atqarýshy bıliktiń qu­zyryndaǵy másele bolatyn. Alaı­da kórip otyrǵanymyzdaı, olar­dyń jaýapkershiliginiń azdyǵy osyndaı jaǵdaılarǵa alyp kel­di. Bul – barlyq qazaqstandyq úshin qasiret. Adam shyǵyny bar, qansha adam aýrýhanada jatyr. Úıler órtelip, otbasylar dalada qaldy.  Jaǵdaı tez arada túzelip, halqymyzdyń aýyzbirshiligi nyǵaıa túsedi degen senimdemin.

 

Shakır HAHAZOV,

Májilistegi Qazaqstan halqy Assambleıasy depýtattyq tobynyń múshesi, «Iýnchı» dúngen etnomádenı ortalyǵy» qoǵamdyq birlestiginiń tóraǵasy

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar