Aımaqtar • 12 Aqpan, 2020

Balany qutqarǵan kapıtan

57 retkórsetildi

Aqpannyń alǵashqy kúni Jetisaı aýdanynda kún túnerip, bet qarıtyn sýyq jel soǵyp turǵan bolatyn. Tús aýǵan shaq. Jetisaı aýdandyq polısııa bóliminiń ǵımaratynan syrtqa qaraı shyǵyp, qyzmettik kóligine bettegen Marattyń qosýly rasııasynan «Dostyq» kanalynda bala sýǵa aǵyp bara jatyr, qutqarý kerek» degen daýys estildi.

Qasyndaǵy áriptesimen birge kólik dabylyn qosa oqı­­ǵa bolǵan aımaqqa qaraı júıtkigen olar nebári 3 mınýt­ta kanalǵa jetti. Jaǵaǵa birne­she adam jınalyp qalǵan, álde­bir balalar úreıli daýyspen aı­qaılap júr. Al sýdyń orta tu­synda tunshyǵyp, batyp bara jatqan balanyń sulbasy ǵana kórinedi. Qar erip, kanaldaǵy sý arnasyna tolǵan kez. Sýyq sýǵa túsip balany qutqaryp qa­lýǵa eshkimniń batyly jetpeı nemese júze almaıtyndar jı­nalsa kerek, áıtpese úlkeni de, kishisi jaǵada tur. О́kinishke qa­raı, qyzyq kórgendeı uıaly telefonyn alyp beınetaspaǵa tú­sirip jatqany da bar. Kanal ja­ǵasyna jetken boıda syrt kıimin tez-tez sheshken Jetisaı APB-nyń anyqtaýshysy, polısııa kapıtany Marat Nurym­betov tastaı sýǵa qoıyp ketti. Odan soń sý shetinde jatqan jum­saq re­zeńke shlangty qo­lyna myqtap qysa, balaǵa qa­raı bar kúshimen júze jóneldi. Aǵysy qatty sý da ájepteýir te­reń edi. Ekeýin de sý túbine tar­typ ketý qaýpi úlken. Osy sátte Maratta eń bolmasa bala­ny qo­lyndaǵy shlangke orap, qut­qaryp qalaıyn degen oı boldy.

Jasóspirim bala sýǵa bir batyp, bir shyǵyp, janushyra aıqaılaýda. Bar kúshimen júzip, sanaýly sekýndtyń ishin­de Marat ta jetti. Balada dár­­men qalmaǵan. Sý jutyp qoıypty. Qutqarýshynyń qo­ly jetkeni sol, sylq tústi. Sý­ǵa batyp bara jatqan uldyń denesin jul­qı tartqan polı­sııa kapı­tany bir qolymen qap­syra qushaqtaǵan kúıi joǵary qaraı qu­­lash sermedi. Osylaısha balany qarmaǵan kúıi jaǵaǵa qaraı júze bastady. Qyrsyqqanda jaǵaǵa bes metrdeı qalǵanda, aıaǵyn qa­ıy­ryp alsa bola ma. Bala bolsa, qolynda. Bar kúshin jı­nap, qaıta júze bastady. Ja­ǵaǵa aman jetken olardy Marattyń áriptesteri kú­­tip aldy. Balanyń denesi bylq-sylq etip, jansyzdanyp bara jatty. Ýaqyt qymbat, jaǵaǵa shyǵysymen jedel jár­demdi kútpegen polıseıler qyzmettik kólikke bala­ny sala aýrýhanaǵa qaraı jyl­damdatty. Jolda ketip bara jatyp balaǵa al­ǵashqy medı­sınalyq kómek kórsetýge ki­risken Marat Nu­rymbetov jasóspirimniń ju­typ qoıǵan sýyn shyǵarýmen álektendi. Es-tússiz jatqan ony jasan­dy jolmen demaldyryp, silkilep, júregine massaj jasady. Oǵan qosa sýyqta tońyp qalǵan muzdaı denesin jylytaıyn dep ýqalap, bar bilgen medısınalyq kómekterin kór­setti. Áriptesi kólikti birne­she mı­nýt ishinde emhanaǵa jet­kizdi. Balany aq halatty jan­dar­dyń qolyna tabystaǵan soń ǵana polıseılerdiń kóńili or­nyna túskendeı boldy.

On eki jastaǵy jetkinshek birden jansaqtaý bólimine jat­qyzylyp, keıinnen palataǵa aýys­tyryldy. Árıne, aman qalǵan balanyń ata-anasy qut­qarýshy polıseıge aǵynan jarylyp alǵystaryn aıtýda. Tosyn oqıǵany áriptesi, Túr­kistan oblysy Polısııa de­partamentiniń qyzmetkeri Gúlnar Ábdirahmanqyzyna tolyq baıandap bergen polısııa kapıtany Marat Nurym­betov: «Bul men úshin erlik emes, balany qurmet kóreıin, tanymal bolaıyn dep te qut­qarǵanym joq. Meniń ornym­daǵy kez kelgen adam osylaı isteıdi. Bar oıym balany aman alyp qalý boldy», – deıdi.

Bul isin erlik sanamaıtyn, adamı mindeti dep esepteıtin po­lıseı Jetisaı aýdanynda dú­nıege kelgen. Qater tón­gen shaqta batyldyq tanytyp, bir­den sheshim qabyldap, jas balany qutqaryp qalǵan po­lı­seımen arqa súıer eli de maq­tanady. О́z ómirine qaýip tónse de oılanbas­tan ózgeniń ómi­ri úshin táýekelge bas tikken po­lıseıdi áriptesteri de qurmet tutady.

 

Túrkistan oblysy

 

Sońǵy jańalyqtar

Basty aqparat (19.02.2020)

Vıdeo • Búgin, 18:52

Qyzylorda: Bıyl 10 iri joba júzege asady

Aımaqtar • Búgin, 18:52

Zańger kóp, kúzetshi joq

Qoǵam • Búgin, 17:49

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Uqsas jańalyqtar