Rýhanııat • 12 Aqpan, 2020

Qazaqtyń qumaı tazysy

54 retkórsetildi

Sońǵy jyldary, ókinishke qaraı, sany azaıa bastaǵan qazaqtyń qumaı tazy ıtiniń janashyrlary Túrkistan oblysyndaǵy Ordabasyda bas qosty.

 

Osy bir qasıetti tazynyń tuqy­myn saqtap, sanyn kóbeıtý, dańqyn dáriptep, ony óz ultymyzdyń aty­na patenttep alýǵa kúsh sa­lý maq­satyndaǵy sharany respýblıkalyq «Qansonar» qa­ýym­dastyǵyna qarasty Túr­­kistan ob­lystyq óńir­lik fılıaly uıym­dastyrǵan.

Halqymyz tazynyń eń kúshtisine, júırigine, ań alǵyshyna «naǵyz qumaı eken, qanatty qumaı eken» degen sekildi madaq sózder aıtyp, onyń erekshe qabiletterine súısingen. О́z boıyna bitken eptilik, jyldamdyq, ádisqoılyq, túlki-qoıandy quıyndaı soǵatyn, tipti arqarǵa, qasqyrǵa shabatyn qasıetterdiń bári osy qumaıǵa tán. Sondaı-aq qumaı tazy óziniń izshildigimen, sulý músinimen óz tuqymdastarynyń ishindegi syrtta­ny, tóresi dep eseptelgen. «Bú­­ginde taza qan­dy qazaqy qu­maı tazyny ta­bý qıyn. Onyń tuqymy azaı­ǵan. Al bar degenderiniń kóp­­shiliginiń qany aralasyp ketken. Sondyqtan búgingi sharaǵa jınal­ǵandar ańshylyq ıtterin arnaıy mamandardyń kómegimen saraptamadan ótkizip, onyń qanshalyqty taza tuqymdy ekendigin arnaıy qu­jattarmen bekitti. Sonymen qatar dáripteı otyryp, tazy ıtiniń dańqyn asyrý, álemge tanytý, ári osy sharalardy ótkize otyryp shetelde bolatyn jarystarǵa daıyndalýdy maqsat etip otyrmyz», deıdi qaýymdastyqtyń óńir­lik ókildiginiń dırektory Abaı Ber­dibekov. Keıingi kezde tazyny ıelengisi keletin ózge ulttar da paı­da bola bastaǵan. «Joq olaı emes. Tazy qazaqtiki. Onyń 3 myń jyldyq tarıhy bar. Oǵan bizdiń jerdegi tasqa qashalyp túsken sýretter dálel», deıdi seleksıoner Qajymurat Kúlpeshov.

Ordabasy aýdanynda ótken is-sha­raǵa oblystyń barlyq aýmaǵynan 100-ge jýyq tazy ıtiniń janashyrlary jı­naldy. Arnaıy tirkeýden ótken tazy­lar arasynda qumaılar saıysy ót­kizildi. Ańǵa túsýden alǵyrlyq tany­typ, júırik shyqqan qumaılardyń ıe­lerine arnaıy marapattar tabys etildi.

 

Túrkistan oblysy

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar