Ekonomıka • 12 Aqpan, 2020

Elimizde jeńil ónerkásip salasynda óndiris kólemi ósti

18 retkórsetildi

2020 jyldyń qańtar aıynda elimizdiń jeńil ónerkásibi salasyndaǵy óndiris kólemi 8,7% ósti. Onyń ishinde toqyma buıymdary óndirisinde 8,7%, kıim-keshek óndirisinde 5,2%, sondaı-aq bylǵary jáne oǵan jatatyn ónimder óndirisinde 5,9%  ósim kórsetti. Bul týraly Indýstrııa jáne ınfraqurylymdyq damý mınıstrlginiń baspasóz qyzmeti habarlady.

Bul ósimge maqta talshyǵy, daıyn toqyma buıymdary, syrtqy kıim, aıaq kıim óndirisin ulǵaıtý, sondaı-aq «Bal tekstıl» JShS kilem jáne kilem buıymdary óndirisi boıynsha úshinshi sehyn, «QazProdGroup» JShS aıaq kıim óndirisin, «EKOHIM» JShS jipter, sıntetıkalyq jipter, baýlar, jelilerdi órý, arqan-jip buıymdaryn óndirý jobalaryn 2019 jyly iske qosý esebinen barlyq kishi salalarynda baıqaldy.

Búgingi tańda jeńil ónerkásip salasyn damytý basym baǵyttardyń biri bolyp otyr. О́ıtkeni, halyqty jumyspen qamtýda áleýmettik mańyzy zor. 2015-2019 jyldary Indýstrııalandyrý kartasy aıasynda jalpy somasy 19 mlrd. teńgeni quraıtyn 22 joba iske qosyldy. 1732 jumys orny ashyldy. Jeńil ónerkásip óndirisi kólemi 2015 jyly 71,6 mlrd. teńge bolsa, 2019 jyly ol 112,7 mlrd. teńgege jetti.

Sonymen qatar «Qarapaıym zattar ekonomıkasyn» nesıeleý tetigi aıasynda ekinshi deńgeıli bankter 6,6 mlrd.teńge somasyna 30 jeńil ónerkásip jobasyn maquldady.

Qazirgi ýaqytta jeńil ónerkásip kásiporyndaryn qoldaý ónim eksportyn damytý, eńbek ónimdiligin arttyrýdy yntalandyrý, taýarlardy ishki naryqqa ilgeriletý, «Bıznestiń jol kartasy 2020» baǵdarlamasy sııaqty óńdeý ónerkásibin damytýǵa baǵyttalǵan júıeli sharalar sheńberinde kórsetiledi. Budan basqa, Mınıstirlik Jeńil ónerkásipti damytý jónindegi 2019-2021 jyldarǵa arnalǵan jol kartasyn ázirlep, ony Úkimet maquldady. Jol kartasy jeńil ónerkásip kásiporyndaryn shıkizatpen qamtamasyz etý, ónimniń zańsyz aınalymymen kúres, jergilikti qamtýdyń úlesin ulǵaıtý, sondaı-aq júıeli qoldaý sharalary boıynsha 52 is-sharany iske asyrýdy kózdeıdi.

Jol kartasy sheńberinde jergilikti atqarýshy organdar úshin jeńil ónerkásibi, jıhaz ónerkásibi men qurylys materıaldaryn memlekettik satyp alýdaǵy jergilikti qamtý boıynsha nysanaly ındıkatorlar belgilendi.

Jeńil ónerkásibiniń taýarlary 2019 jylǵy 1 shildeden bastap memlekettik satyp alýlar aldyn ala biliktilik suryptaýmen konkýrs tásilimen ótkiziletin taýarlar, jumystar men qyzmetter tizbesine engizildi. Memlekettik satyp alýda aldyn ala biliktilik irikteýden ótken kezde Indýstrııalyq sertıfıkat berý qarastyrylǵan. 

Budan bólek, kıim men aıaq kıimdi mindetti tańbalaý jáne baqylaý boıynsha pılottyq joba iske qosyldy. Qazirgi ýaqytta osy baǵytta jol kartasy men ádistemelik usynystar ázirlendi.

2019 jyly jeńil ónerkásip salasynyń qyzmet túrleri «Astana jańa qala» arnaıy ekonomıkalyq aımaq qyzmetiniń basym túrleriniń tizbesine engizildi. Qazirgi ýaqytta salany damytý maqsatynda «Alıans» SО́K jáne «Azala Textile» JShS toqyma kásiporyndaryn «Ońtústik» arnaıy ekonomıkalyq aımaǵynyń sýbaımaǵyna qosý jumystary júrgizilip jatyr. «Ońtústik» AEA toqyma jáne tigin ónerkásibin damytý jáne qosylǵan quny joǵary básekege qabiletti taýarlar óndirisine kóshý úshin alǵysharttar jasaý úshin quryldy. Investorlar korporatıvtik tabys salyǵyn, múlik pen jer salyǵyn, 2030 jylǵa deıingi merzimge kedendik bajdy tóleýden bosatylady.

Bıyl atalmysh baǵdarlama boıynsha jumystar jalǵasady. Qazir maqta-toqyma klasterin qurý boıynsha Jol kartasy ázirlendi. Ol maqta talshyǵyn qaıta óńdeýdi 2 ese ulǵaıtýdy kózdeıdi. Sondaı-aq jeńil ónerkásip kásiporyndary paıdalanatyn shıkizatqa (matalar, jipter, fýrnıtýra jáne t.b.) kedendik ákelý bajdaryn tómendetý máselesin sheshý mindeti tur.

Budan basqa, 2020 jyly eki jobany: «Nazar Tekstıl» JShS-niń sıntetıkalyq ıirimjip óndirisin jáne «Semıramıda» tigin fırmasy" JShS-niń óndiristi jańǵyrtý jáne jeıde óndirisin iske qosý josparlanyp otyr. Olardyń jalpy ınvestısııa somasy 2,8 mlrd.teńge bolyp, 600 jańa jumys orny ashylady. 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar