Shtabtyń mindeti kútiletin sý tasqyny deńgeıin anyqtaý jáne sý tasqynyn boldyrmaý boıynsha sharalar qabyldaý. Sonymen qatar ózen arnalaryn, nóserli kárizderdi baqylap, tıisti túrde ustaý. «Sý tasqyny qaýpin azaıtý maqsatynda qosymsha kómek retinde qalanyń kommýnaldyq qyzmetteri kúsheıtilgen rejımde jumys isteıdi. Áleýmettik nysandar men jeke sektordy qardan tazartýǵa erekshe kóńil bólinedi. Dambalar men qurylystardyń jumysyn baqylaýda ustaý qajet. Qysqy kezeńdegi jaýyn-shashynnyń mólsheri rekordtyq, 3 boran boldy. Alda úlken jumystar kútip tur. Aqpan men naýryz aılarynda qalanyń kommýnaldyq qyzmetteri kúndiz-túni jumys atqarady», dedi qala ákimi Altaı Kólginov.
«Qazgıdromet» RMK gıdrometortalyǵynyń dırektory Marına Shmıdttiń aıtýynsha, 9 aqpanda jaýyn – shashynnyń aılyq normasy tústi (bir aıdaǵy normasy 15 mm bolsa, aqpanda 13 mm boldy). Aqpan aıynyń birinshi on kúni 20 mm jaýyn-shashyn tústi. Aqpan aıynda da jaýyn-shashyn bolady, 9 aqpanda qardan soń jańbyr jaýdy.
Qysqy kezeńde 3,5 mln tekshe metrge jýyq qar shyǵaryldy (280 myń reıs), bul ótken qystyń osyndaı kezeńine qaraǵanda 50% - ǵa artyq. Kamazdar kúnine 2,5 myń reıs jasaıdy. Kún saıyn qalany qardan 2 myń birlik tehnıka men 1,5 myńnan astam jol jumysshylary tazalaıdy. Boran jáne qalyń qar jaýǵan kezde qosymsha arnaıy tehnıka qalany qardan tazalaýǵa shyǵady.
Qys mezgiliniń basynan bastap qardy ýaqytyly tazalamaǵany úshin 100-den astam qyzmet kórsetetin uıymdar (PIK, DK, JShS) 4 mln 300 myń teńge somasyna, sondaı-aq 260 elordalyq shaǵyn jáne orta bıznes obektileri ákimshilik jaýapkershilikke tartyldy. Jumysty durys atqarmaǵany úshin ákimdik 10 merdiger uıymmen jumys jasaýdy toqtatty.
