Prezıdent • 12 Aqpan, 2020

Prezıdent Qazaqstandaǵy Volonterlar qozǵalysynyń qurmetti elshisi atandy

110 retkórsetildi

Memleket basshysy Qasym-Jomart Toqaev Qazaqstandaǵy Volonterlar qozǵalysynyń qurmetti elshisi atandy.



«Men búgin Qazaqstandaǵy Volonterlar qozǵalysynyń qurmetti elshisi atanýǵa kelistim. Mende Tótenshe jáne О́kiletti elshi atty dıplomatııalyq rang bar. Biraq bul mártebe – volonterlyq qyzmettiń qurmetti elshisi ataný da erekshe mańyzǵa ıe dep bilemin. Sol sebepti biz birge jumys atqaramyz» dedi Prezıdent. 

О́z erkimen qoǵamǵa paıdasyn tıgizýdi kózdeıtin eriktilerdiń qatary jyl sanap artyp keledi. Búginde álem halqynyń 970 mıllıony volonter bolsa, onyń ishinde árbir segizinshi qazaqstandyq eriktiler qataryn tolyqtyrýda.

Aıta keteıik, búgingi shara barysynda barlyǵy jeti jobanyń tanystyrylymy ótedi dep josparlanǵan. Front-ofıstiń jumysy volonterlar qajetti aqparat alyp, arnaıy oqytylady. Volonterlik máseleler boıynsha halyqqa keńes beretin biryńǵaı Call-ortalyq jumys isteıtin bolady.  Front-ofıs barlyq óńirlerdegi jobalarǵa sholý jasap, tirkep baqylap otyrady.

Uıymdastyrýshylardyń aıtýynsha, jobalardyń qoǵamdyq monıtorıngin zııaly qaýym ókilderi, tanymal jýrnalıster men blogerler quralǵan monıtorıngtik top júzege asyrady. Sondaı-aq onyń quramyna Jastar resýrstyq ortalyqtarynyń mamandary men úkimettik emes uıymdardyń ókilderi kiredi. Jalpy respýblıkalyq ortalyq 17 óńirdegi volonterlardy qoldap, olardyń jumysyn úılestirýmen aınalysady. Front-ofıs ashylǵannan keıin olarǵa arnalǵan motıvasııalyq sessııalar, master-klasstar jáne túrli semınarlar ótetin bolady.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar