Abaı • 12 Aqpan, 2020

Uly Abaıdyń 175 jyldyq mereıtoıy Túrkııada saltanatty túrde ashyldy

84 retkórsetildi

Túrkııanyń astanasy – Ankara qalasynda Qazaqstannyń Túrkııadaǵy Elshiligi, QR Mádenıet jáne sport mınıstrligi, Túrkııa mádenıet mınıstrligi, Trt Avaz telearnasy qoldaýy jáne Túrksoı uıymynyń uıymdastyrýymen Abaı Qunanbaıulynyń 175 jyldyq mereıtoıynyń Túrkııadaǵy ashylý saltanaty ótti. Bul týraly Qazaqstannyń Túrkııadaǵy elshiliginiń baspasóz qyzmeti habarlady.

Alqaly jıynǵa Qazaqstannyń Túrkııadaǵy Elshisi Abzal Saparbekuly, QR Mádenıet jáne sport Vıse-mınıstri Eldos Ramazanov, Túrksoı Bas hatshysy Dúısen Qaseıinov, Trt Avaz telearnasy dırektory Sedat Saǵyrkaıa, Kechıóren mýnısıpalıteti basshysy Týrgýt Altynok, Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń ókiletti keńes tóraǵasy Musa Iyldyz, Túrki keńesine múshe memleketter Elshileri, sheteldik dıplomattar, zııaly qaýym ókilderi men qazaqstandyq stýdentter qatysty.

Saltanatty sharanyń betashar sózin sóılegen Túrksoı Bas hatshysy D.Qaseıinov Elbasy Nursultan Nazarbaevtyń «Abaıdy taný - Qazaqstandy, qazaq halqyn taný» degen qanatty sózine nazar aýdara otyryp, 2019 jylǵy túrki áleminiń mádenı astanasy bolǵan Osh qalasyndaǵy túrkitildes memleketter Mádenıet mınıstrleri jıynynda 2020 jyldyń Abaı jyly bolyp jarııalanǵandyǵyn eske saldy.

Eýrazııa jazýshylar odaǵynyń tóraǵasy Iаkýb О́meroǵlý zamanaýı qazaq ádebıetiniń negizin salǵan Abaı Qunanbaıuly túrkitildes halyqtardyń rýhanı qazynasyna ólsheýsiz úles qosqan ǵulama ǵana emes, sonymen qatar qazaq halqynyń el bolýyna ulan-ǵaıyr eńbek etken danager ekendigin basa aıtty.

Keshtiń ashylý saltanatynda hakim, uly oıshyl Abaıdyń 175 jyldyq mereıtoıyn Túrkııanyń tórinde birge atap ótý úlken mártebe ekenin tilge etken Vıse-mınıstr E.Ramazanov, Abaı atamyzdyń «Adam ómiriniń maqsaty – kemeldený men jetilý» degen sózderine toqtala otyryp, birlese tarıhymyzdy, mádenıetimizdi saqtaý, damytý jáne nasıhattaýdyń mańyzyna basa nazar aýdardy.

Igi basqosý barysynda sóz alǵan Elshi A.Saparbekuly «Rýhanııatymyzdyń temirqazyǵy, ulttyq bolmysymyzdyń aınasy sanalatyn uly oıshyl murasynyń baýyrlas Túrkııada erekshe dáriptelip jatqany – biz úshin úlken qýanysh» - deı otyryp, elimizdiń saıası jáne ekonomıkalyq damýmen teń rýhanııattyń damýyna da úlken mańyz beretinine toqtaldy. Uly aqyn, ult poezııasynyń kemeńgeri Abaı qazaq tarıhynda óshpes iz qaldyrǵanyn tilge tıek etken Elshi A.Saparbekuly Memleket basshysy Qasym-Jomart Toqaevtyń «Abaı jáne hhi ǵasyrdaǵy Qazaqstan» atty maqalasyndaǵy «qazir aıtyp júrgen ıntellektýaldy ult qalyptastyrý ıdeıasy Abaıdan bastaý aldy deýge bolady. Uly oıshyl ár sózimen ulttyń óresin ósirýdi kózdedi» degen sózderine toqtala otyryp, uly ǵulamanyń ónegeli murasyn zerdeleýdiń mańyzyna toqtaldy.

Alqaly keshtiń jalǵasynda Túrkııa Prezıdenttik sımfonııa orkestri súımeldeýimen Qazaqstannnan Zarına Altynbaeva, Talǵat Musabaev, Qyrǵyzstannan Telek Naımanbaev, Shahımardan Abılov, Klara Týlenbaeva, Moldovadan Igor Podgoreaný, О́zbekstannan Ferýza Iýsýpova, Túrkııadan Levent Gúndúz, Serkan Kodjadere jáne Ázerbaıjannan Eleonora Mýstafaeva, Ilham Nazarov Abaı atamyzdyń mýzykalyq murasyn oryndady. Osylaısha talantty ónerpazdar uly aqynnyń «Aıttym sálem, Qalamqas», «Jelsiz túnde jaryq aı», «Kózimniń qarasy» jáne t.b. shyǵarmalarymen jınalǵan qaýymdy tánti etti.

Sondaı-aq túbi bir túrki jurtynyń ortaq «Trt Avaz» telearnasy saltanatty konsertti beınege túsirip, 350 mıllıondyq kórermenge tamashalaý múmkindigin berdi.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar