Aımaqtar • 12 Aqpan, 2020

Qaldyq sý Balqash kóline quıylýy múmkin (vıdeo)

68 retkórsetildi

«Egemen Qazaqstan» gazetiniń Qaraǵandy oblysyndaǵy qosynyna Balqash qalasynyń turǵynynan whatsapp jelisi arqyly apatty jaǵdaıdy taspaǵa tartqan beıne kórinis kelip tústi. Onda jergilikti azamat qala syrtyndaǵy qubyrdyń jarylyp, odan aqqan zárnájistik sýdyń Almaty-Qaraǵandy kúrejolynyń boıyna jaıylyp jatqanyn, aınalany múńkigen jaǵymsyz ıistiń alyp ketkenin habarlaıdy. Aıtýshynyń sózine qaraǵanda, oqıǵa aqpan aıynyń 10-y kúni bolǵan.

«Bul baryp turǵan ekologııalyq apat. «Balqash sý» kásiporynyna talaı márte habarlanǵanymen, olar eshqandaı shara qoldanar emes. Qaldyq sý osyndaı qarqynmen aǵa beretin bolsa, Balqash kóline quıylar sát te alys emes», deıdi beıne kórinisti túsirýshi.

Balqash qalasynyń týra irgesinde bolǵan osy apattyń anyq-qanyǵyn bilý maqsatynda qala ákimi Oraz Táýirbekovke whatsapp jelisi arqyly habarlasyp, resmı túsinik berýin ótingenimizben, áleýmettik jelide óte belsendi otyratyn laýazymdy tulǵadan ázirge jaýap kelmedi.

Dál osyndaı maǵynadaǵy suraý salǵan hat Qaraǵandy oblystyq ekologııa departamentiniń basshysy Qanat Musaparbekovke de joldandy.

Biz jaǵdaıdyń aldaǵy ýaqytta qalaı órbıtinin baqylaýda ustaıtyn bolamyz.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar