Qoǵam • 12 Aqpan, 2020

Mańǵystaýda taný fýnksııasy bar 600 kamera ornatylady

18 retkórsetildi

Bul týraly Mańǵystaý oblysynyń ákimi Serikbaı Trumov aımaq turǵyndary aldynda esep berý kezinde málim etti. Bul týraly Mańǵystaý oblysynyń qoǵamdyq kommýnıkasııa ortalyǵy habarlady.

2019 jyly «Sıfrly Qazaqstan» memlekettik baǵdarlamasyn Mańǵystaý oblysy boıynsha iske asyrý kelesi baǵyttarda júrgizilgen:

Bilim berýdi sıfrlandyrý salasynda «mektep.edu.kz» aqparattyq júıesine (elektrondy jýrnaldar men kúndelikter júıesi) oblystaǵy 143 mektep qosylsa (100%), Mańǵystaý oblysynyń «elektrondyq kolledji» aqparattyq júıesine oblystyń 27 kolledji qosylǵan (100%).

-Búgingi kúni Internetke keń jolaqty qoljetimdilikti qamtamasyz etý 100% quraıdy, ınternettiń úzdiksiz jumysy qamtamasyz etilgen, dedi aımaq basshysy.

Al, densaýlyq salasynda 80 densaýlyq saqtaý nysany 100%-ǵa ınternet jelisine qoljetimdilikpen qamtamasyz etilse, 36 medısınalyq uıym (onyń ishinde 7 jeke mekeme) medısınalyq aqparattyq júıemen 100% qamtylǵan. 26 memlekettik medısınalyq uıymnyń 26-y (100%) ishinara qaǵazsyz qujat aınalymyna kóshipti. «DamuMed» mobıldi qosymshasyn paıdalanýshylar sany-158494 adamǵa jetken.

Aýdanaralyq (oblysishilik, qalaaralyq) jáne qalalyq marshrýttardyń barlyq avtobýstary men shaǵyn avtobýstary spýtnıktik GPS-navıgatorlarmen jabdyqtalǵan, «InfoBus.kz» mobıldik qosymshasy jumys isteıdi. Aqtaý qalasyndaǵy barlyq qalalyq jáne qala mańyndaǵy avtobýstar qoldanysqa berilgen «BusReport» dıspetcherlik júıesine  qosylǵan.

-Jol júrýdi tóleýdiń elektrondyq júıesi» jobasyn iske asyrý «Mańǵystaý oblysynyń avtobýs parkin jańartý» salalyq jobasymen birge júzege asyrylady. Qazirgi ýaqytta pılottyq rejımde qalalyq marshrýttardyń 4 avtobýsyna valıdatorlar ornatyldy, dedi S.Trumov.

Turǵyn úı-kommýnaldyq salany sıfrlandyrý aıasynda búgingi kúni Aqtaý qalasynyń 646 úıinde derekterdi berý múmkindigi bar 734 jylý eseptegish ornatylǵan. Qalany tolyq qamtý úshin 2019 jyly kásiporyndar qarajaty esebinen 57,7 mln teńgege 107 birlik jalpy úılik jylý eseptegishter satyp alynǵan. 2020-2021 jyldary qalǵan 198 jylý eseptegishteri ornatylady dep kútilýde.

Qaýipsizdik salasynda «Aqtaý qalasy boıynsha beınebaqylaý júıelerin engizý jáne qyzmet kórsetý» memlekettik-jekeshelik áriptestik jobasy arqyly júzege asyrylýda. Jobaǵa sáıkes, jedel qyzyǵýshylyq tanytatyn fotoesepter boıynsha adamdardy jáne avtokólik quraldarynyń memlekettik nómirlerin taný fýnksııasy bar 600 kamerany ornatý josparlanýda.

-Kameralar qoǵamdyq oryndarda, iri saýda-oıyn-saýyq ortalyqtarynda, oblys ortalyǵynyń áýejaıynda jáne Mańǵyshlaq stansasynyń temirjol vokzalynda ornatylady. Beınebaqylaý kameralarynan beıneler jedel basqarý ortalyǵy operatorlarynyń pýltine jáne ýchaskelik polısııa pýnktterine shyǵarylady», - dedi oblys ákimi Serikbaı Trumov.

Aqtaýdaǵy jańa jaǵalaý men 15 shaǵynaýdanda pılottyq joba retinde beıneni joǵary sapada kórsetetin (Full HD) baqylaý kameralary men jedel túrde adamdardy sýret arqyly tanıtyn, al avtokólikterdi memlekettik nómirleri boıynsha taný fýnksııasy bar 10 joǵary jyldamdyqty beınekameralar ornalastyrylǵan.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar