Abaı • 12 Aqpan, 2020

Qyzylorda oblysynyń ákimi zııaly qaýym ókilderimen kezdesti

33 retkórsetildi

Oblys ákimi Qýanyshbek Ysqaqov óńirdegi zııaly qaýym ókilderimen kezdesti. Á.Tájibaev atyndaǵy oblystyq kitaphanada ótken sharada shyǵarmashylyq sala ókilderi eldiń, aımaqtyń damýyna, rýhanı, mádenı ómirine qatysty oılaryn ortaǵa saldy.

Kezdesýde aımaq basshysy Syr óńiri – ejelgi uzandar úninen bastaý alatyn dástúrli óner órken jaıǵan, talaı qabyrǵaly qaıratkerler izi qalǵan, ulttyq ádebıet pen mádenıetke talaı daryndy qosqan kıeli topyraq ekenin aıtty.

Qazaqstan Jazýshylar odaǵy Qyzylorda oblystyq fılıaly jetekshisi, aqyn Qarshyǵa Esimseıitova uıymnyń atqarǵan jumystary jaıly baıandap, usynystaryn jetkizdi. Qaladan «Ádebıet úıin» salý, sol jaǵalaýdan «Rýhanııat» alleıasyn ashý men Syr qalamgerlerin mektepter men joǵary oqý oryndary jastaryna tanystyryp, «Jazýshy mártebesi» sabaǵyn turaqty ótkizip otyrý máselesin kóterdi. Sonymen qatar belgili satırık Orynbasar Áljiktiń 60 jasqa tolýyna oraı shyǵarmashylyq kesh ótkizý úshin qoldaý kórsetýdi surady. Aımaq basshysy bul usynystar  saralanyp, tıisti jumystar júrgiziletinin aıtty. Orynbasar Áljiktiń mereıtoıyn bıylǵy jyly ótkiziletin qoǵamdyq-saıası mańyzdy sharalardyń kúntizbelik josparyna engizýdi tapsyrdy.

Sondaı-aq óńir basshysy oblystyq memlekettik arhıv, «Syr medıa» jaýapkershiligi shekteýli seriktestigine qarasty basylymdar men baspahana, oblystyq ishki saıasat basqarmasynyń Din máselelerin zertteý men aqparattyq-taldaý ortalyqtarynyń jumystarymen tanysty. Sodan soń oblystyq kórkemsýret galereıasyndaǵy Altyn Ordanyń - 750, Abaı Qunanbaıulynyń - 175 jyldyǵyna arnalǵan «Qanat jaıǵan rýhanııat» atty kórmeni tamashalady.

1

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar