Parlament • 13 Aqpan, 2020

Yntymaǵymyz ben birligimizdi joǵaltpaıyq

90 retkórsetildi

Jambyl oblysy Qordaı aýdanynda bolǵan oqıǵa barsha jurttyń júregin dir etkizdi. Árıne aldaǵy ýaqytta bul qaqtyǵystyń sebep-saldary anyqtalyp, kináliler jazasyn alatynyna esh kúmánim joq. Oqıǵa ornynda bolyp, jergilikti turǵyndardyń áńgimesin óz qulaǵymmen estigennen keıin qaqtyǵys saldarynan bolǵan adamdar ólimi, turǵyn úıler men kommersııalyq nysandardyń, avtokólikterdiń órtten keıingi qańqalary meni eriksiz aýyr oıǵa qaldyrdy...

Jalpy alǵanda, halyqtyń tolǵanys-tebirenisi, qaıǵy-mu­ńy qoǵamnyń árbir azamatyn beıjaı qaldyrmaıtynyna se­nim­dimin. Prezıdent Q.Toqaev­­­tyń tapsyrmasymen qu­­­­ryl­ǵan Úkimet komıssııa­synyń tór­­­aǵasy, Premer-Mı­nıs­tr­diń oryn­basary B.Sa­par­baev (búgingi kúni Jam­byl ob­ly­synyń ákimi) jáne A.Myrz­ahmetov (Jambyl obly­sy­nyń eks-ákimi) komıssııa múshe­lerimen birge Qordaı, Qa­rasý, Aýqatty, Sortóbe she­kara ba­qylaý-ótkizý beket­terinde bol­dy. Sonda elimizge Qyr­ǵyz­stan­­nan qaıta oralyp jatqan adamdardyn uzaq-sonar legine kýá boldyq.

Bul, árıne qaqtyǵys oryn alǵan aýyldarda tynyshtyq ornap, qalypty tirshilik qaıta bastalǵanynyń basty belgisi edi. Búgingi tańda aýyldardaǵy barlyq áleýmettik nysan, saýda oryndary men dárihanalar qalypty jumys isteýde. О́ńirde jaǵdaı turaqty, baqylaýda. Komıssııa músheleri Qordaı aýda­nyndaǵy qaqtyǵys kezinde qaıtys bolǵan azamattardyń otbasylarynda bolyp, kóńil aıtyp shyqty.

B.Saparbaev óz sózinde otbasy múshelerine qaýipsizdiktiń qamtamasyz etilgenin, memleket tarapynan tıisti qoldaý kór­setiletinin basa aıtty. Sonymen birge Komıssııa músheleri qaı­tys bolǵandardyń jerleý rá­simine de qatysyp, aýyl tur­ǵyndarymen kezdesti. Basqa da atqarylǵan is-sharalar barysy týraly buqaralyq aqparat quraldarynda keńinen aıtylyp, jarııalanýda.

Alaıda Jambyl oblysynda bolǵan bul keleńsizdikter táýelsiz elimizdiń myzǵymas bir­ligine eshqandaı nuqsan keltire almaıdy. Biz bul oqıǵadan sabaq alýymyz kerek.

Qazaqstan osy ýaqytqa deıin, álemdik qoǵamdastyq arasynda, aýyzbirshiligi men yntymaǵy, beı­bitshiligi men tatýlyǵy ja­rasqan táýelsiz el bolyp ta­nyldy. Eldegi ultaralyq yn­tymaq pen berekeli birlikke, din­­aralyq tatýlyqqa álem jo­ǵary baǵa berip otyr. «Birlik bolmaı, tirlik bolmaıdy» degen qazaqtyń barlyq tarıhy birlikti, yntymaqty nasıhattaıdy. Alaıda ókinishke qaraı, jastar tárbıesinde jiberip al­ǵan olqy tustarymyz da kóp sııaqty. Sonymen birge Qor­­daıdaǵy oqıǵa, menińshe, eli­miz­degi ulttardyń qarym-qa­tynasy men jastar tár­bıe­­sin­degi memlekettik ıdeo­lo­gııa­­nyń kemshindigin kór­setti. Sol sebepti aǵa býyn ókil­de­ri, qu­zyrly organdar óz min­det­terin oryndaý barysynda ult­aralyq qarym-qatynasqa asa mán berip, yntymaqtastyq pen bir­likti tý etip ustap, jastar tár­­­bıesine aıryqsha kóńil bólýi tıis.

Árıne osy oqıǵa kezinde oryn alǵan zań buzýshylyq áreketterdiń sebebin arnaıy vedom­stvoaralyq tergeý toby, sarapshylar, basqa da quzyrly or­gandar anyqtaıdy jáne ol óz kezeginde resmı túrde ja­rııa­­lanady dep oılaımyn. Qor­daıda oryn alǵan jaıt qo­ǵamdaǵy qundylyqtardyń mánin tereń túsinýge múmkindik be­redi. Elimizdiń áleýmettik ekono­mı­kasynyń damý barysynda, dostyq, beıbitshilik jáne turaqtylyqtyń mańyzy zor. Sol sebepti Elbasymyzdyń, Mem­leket basshysynyń saıasa­tyn júzege asyrýda, arandatý­shylyqqa ermeı, sabyr saq­tap, yn­tymaǵymyz ben birligimizdi joǵalt­paıyq, aǵaıyn!

 

Abdaly NURALIEV,

Parlament Senatynyń depýtaty

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar