Aımaqtar • 13 Aqpan, 2020

Túrkistan: Túrki elderi jetekshileriniń jıynyn ótkizýge daıyndyq jumystary bastaldy

42 retkórsetildi

Túrkistan oblysynyń ákimdigi qazan aıyna josparlanǵan jıyndy joǵary deńgeıde uıymdastyrýdy basty mindeti sanaıdy. Bul oraıda qalany kórkeıtý, abattandyrý, Elbasy men Memleket basshysy júktegen mindetterdi merziminde jáne sapaly oryndaý jumystaryna bar múmkindik pen kúsh-jiger jumsalmaq.

Oblys ákimdiginde ótken Qoǵamdyq keńeste, sondaı-aq óńirdiń áleýmettik-ekonomıkalyq damýy boıynsha atqarylǵan jumystar jáne aldaǵy jylǵa damý jospary men mindetter talqylandy. Qoǵamdyq keńes músheleri, eńbek ardagerleri, oblystyq máslıhat depýtattary men qoǵamdyq-saıası partııalardyń, úkimettik emes uıymdardyń jáne BAQ ókilderi qatysqan jıynda oblys ákimi О́mirzaq Shókeev jyl qorytyndysymen áleýmettik-ekonomıkalyq kórsetkishter oń sıpatqa ıe bolǵanyn atap ótti.

Jalpy óńirlik ónim kólemi 1 trln 272,3 mlrd teńge bolyp, kórsetkish aldyńǵy jylmen salystyrǵanda 5,1% ósimdi quraǵan. Mańyzdy jobalardy iske asyrý boıynsha oblysqa 441,2 mlrd teńge ınvestısııa tartylǵan. Memlekettik jáne salalyq baǵdarlamalar sheńberinde 29 myńnan astam jańa jumys oryndary ashylǵan.

Al óńirdi áleýmettik-ekonomıkalyq damytýdyń 2024 jylǵa deıingi keshendi jospary aıasynda Túrkistan qalasynda 11 jobany memlekettik-jekeshelik áriptestik tetigi arqyly iske asyrý kózdelip otyr.

Jıynda sóz alǵandar óńirdi tabıǵı gazben qamtý, qarqyndy baý, qarakól qoıy men túıe sharýashylyǵyn damytýǵa qatysty óz oı-pikirlerin ortaǵa saldy. Oblys ákimi ózine qoıylǵan birneshe saýaldarǵa tushymdy jaýap berip, usynystarǵa qatysty kózqarasyn bildirdi. Sondaı-aq Qoǵamdyq keńes músheleri О́mirzaq Shókeevtiń oblys kóleminde atqarǵan jumystaryna oń baǵasyn berip, ıgi ister birliktiń, tynymsyz eńbektiń nátıjesi ekenin atap ótti. Keńes otyrysynyń sońynda tıisti qarar qabyldandy.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar