Bul úı 1968 jyly salynǵan 5 qabatty «hrýshevka» tıpindegi eski qurylys bolatyn. Páterler sany 120, al turǵyndar sany 400 deı adam eken. Tótenshe jaǵdaılar mamandarynyń aldyn ala boljaýlaryna qaraǵanda, shatyrdyń aǵash konstrýksııalary shirip, jaýǵan qardyń salmaǵyn kótere almaı synyp ketken. Onyń gúrs etip synǵan dybysy sol úıdiń turǵyndaryna ǵana emes kóshedegi adamdarǵa da estilgen.
«Kósheden avtobýs aıaldamasyna qaraı ketip bara jatyr edim, gúrs etken dybystan shoshyp kettim. Sóıtsem, dybys bıik úıdiń tóbesinen shyqty»,- deıdi azamat Sergeı Kýlagın.
Oqıǵa ornyn zerttegen mamandardyń aıtýyna qaraǵanda, búlingen tóbeniń aýmaǵy 24 sharshy metrge jýyq. Qazir onyń negizgi sebepteri anyqtalý ústinde. Sodan keıin kimniń kináli ekendigi anyqtalmaq. Eger kiná qardan ǵana bolsa, onda úıdiń tóbesi qalalyq ákimdiktiń bıýdjeti esebinen jóndeledi.
PETROPAVL
