Shara aıasynda osy aýmaq turǵyndaryna jaýapty ýchaskelik polısııa ınspektorlarynyń aty-jónderi, qyzmettik jáne uıaly baılanys telefondary kórsetilgen vızıtkalar taratyldy.
Profılaktıkalyq shara barysynda alkogol ónimderin jıyrma bir jasqa deıingi adamdarǵa satqan 6 satýshy Qazaqstan Respýblıkasynyń Ákimshilik quqyq buzýshylyq týraly kodeksiniń 200-babynyń 1-bóligi boıynsha ákimshilik jaýapkershilikke tartyldy.
Turǵyn úılerdiń aýlalarynda masań kúıde júrgen 3 adam anyqtalyp, olar ýaqytsha beıimdeý jáne detoksıkasııa ortalyǵyna ornalastyryldy. Quqyq buzýshylarǵa qatysty ÁQBtK-niń 440-babyna sáıkes ákimshilik hattamalar toltyryldy.
Sonymen qatar, el aýmaǵynda tirkeýsiz nemese jeke basyn kýálandyratyn qujatsyz turýdyń 19, ortaq paıdalanylatyn oryndardy lastaýdyń 8, qalalar men eldi mekenderdiń aýmaqtaryn abattandyrý erejelerin buzýdyń 4 jáne sheteldiktiń nemese azamattyǵy joq adamnyń Qazaqstan Respýblıkasynyń Halyqtyń kóshi-qony salasyndaǵy zańnamasyn buzýdyń 4 deregi anyqtaldy.
Tekserý barysynda qarýdy saqtaý erejelerin saqtamaǵany úshin 4 turǵyn ákimshilik jaýapkershilikke tartylyp, olarǵa qatysty ÁQBtK-niń 486-babynyń 1-bóligi boıynsha ákimshilik hattamalar toltyryldy.
Kámeletke tolmaǵandardy beıimdeý ortalyǵyna 2 jasóspirim jetkizilip, olardyń ata-analarymen profılaktıkalyq áńgime ótkizildi. Bul baǵyttaǵy jumystar óz jalǵasyn tabýda.
