Rýhanııat • 13 Aqpan, 2020

Almatyda Erkin Nurazhannyń «Sharaına» atty jeke kórmesi ashyldy

88 retkórsetildi

Almatyda Qazaqstan Respýblıkasynyń Memlekettik Ortalyq mýzeıinde elimizge tanymal karıkatýrashy-sýretshi, Qazaqstan Respýblıkasynyń mádenıet qaıratkeri, Qazaqstan Respýblıkasynyń Sýretshiler, Jýrnalıster, Jazýshylar odaqtarynyń múshesi Nurazhan Erkin Ibragımulynyń «Sharaına» atty jeke kórmesi ashyldy.

Erkin Nurazhan – qazaq beıneleý ónerinde karıkatýrash, sharj (dostyq ázildi portret) janrynyń qalyptasyp, damýyna ózindik qoltańbasyn qosqan, búginde osy baǵyttyń kóshbasshysy sanalatyn tanymal sýretshi.

1

Sýretshi-karıkatýrashy 1982 jyldan bastap ádebıet, óner jáne qoǵam qaıratkerleriniń ázil portretter galereıasyn jasap keledi. Ol elimiz táýelsizdik alǵan jyldar ishindegi áleýmettik-ekonomıkalyq, saıası ómirimizdegi keleńsiz qubylystardy synǵa alǵan satıralyq sýretter toptamasyn dúnıege ákeldi. Sondaı-aq, oqyrmandarǵa ózekti máselelerdi kótergen maqalalary jáne derekti dúnıelerimen tanylǵan qalamger.

Sýretshiniń taqyryptary ár alýan, beınelegen keıipkerleri san qyrly minez-qulyqty bolsa, sýret salýdaǵy tehnıkasy tym qarapaıym. Negizinen qaǵaz, qalamush, týsh, akvarel boıaýy, geldi qalam, tústi qaryndashtardy qoldanady.

1

1

Karıkatýrashyny shyǵarmashylyqqa jetelegen – ómirdiń ózi. Ol qoǵam men adam, saıasat pen zaman keńistiginde qaıshylasqan múddeler maıdany men keraǵar kózqarastardy jiti baqylap, aq-qarasyn anyqtap, ishke jıǵan-túıgenin el nazaryna usyndy. Kórermenin beı-jaı qaldyrmaı qoǵam men zamannyń kiltıpanyn tabýǵa úndep, sol prosesterge qatysýǵa, oı túıýge, árkimdi óz ustanymyn anyqtap alýǵa shaqyrady. Osydan kele  sýretshiniń azamattyq pozısııasy anyqtala túsedi. Ol ádildik pen adaldyq, shyndyq pen aqıqat jaǵynda bolyp, halyqtyń muń-muqtajyn jetkizip, ómirdegi ózgeristerge solardyń turǵysynan qarap, baǵasyn bere alsa — naǵyz halyqshyl sýretshi, óz eliniń patrıoty bolǵany. «Sharaına» kórmesi sonyń dáleli. Kórmege kelýshiler sýretshi-karıkatýrashynyń shynshyl da aıqyn syrlarǵa toly dúnıetanymymen tabysady. Sonymen qatar táýelsiz elimizdiń damýyna kedergi keltirer keritartpa kúshterdi kelekelep kóz aldymyzǵa ákeledi. О́z kórermenin beıǵam da nemquraıly júrmeı, el men jer úshin belsendi kúresker bolýǵa shaqyrady.

1

 1

1

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar